Mættir voru: Sigrún Edda Jónsdóttir, Hildur Jónsdóttir, Ingveldur Viggósdóttir, Guðni Sigurðsson og Arnþór Helgason.
1. Fundargerðir síðustu funda.
Fundargerðir 17. og 18. fundar lesnar og samþykktar með breytingu á 4.lið 17. fundargerðar .
2. Myndband um fuglalíf Seltjarnarness
Rætt um hugmyndir frá Jóhanni Óla Hilmarssyni sem lagðar voru fyrir fundinn, lauslega gerð grein fyrir efnistökum og samspili fugla og árstíða 15- 20 mínútna langt.
Beðið var um kostnaðartilboð og gróf drög að myndatöku – tímaáætlun og fleira.
Nefndarmenn sammála um að síðan verði tilboðið lagt fyrir umhverfisnefnd og leitað samstarfs við hana varðandi myndbandið og kostnað.
3. Fuglaskoðun
Ákveðið að bjóða upp á fuglaskoðun sunnudaginn 14. Maí. Haft verður samband við Stefán Bergmann vegna leiðsagnar.
4. Erindi frá Þjóðminjasafni Íslands.
Lagt fram bréf frá Þjóðminjasafni Íslands dagsett 27/3 2000 undirritað af Þór Magnússyni. Ákveðið að fresta málinu.
5. Önnur mál.
a) Erindisbréf nefndarinnar var samþykkt á fundi bæjarstjórnar 12. apríl 2000.
b) Eignaskrá Náttúrugripasafnsins lögð fram, sem fullgerð var í apríl 2000. Eignaskráin er gefin út í 6 eintökum.
Eintak verður afhent Bókasafni Seltjarnarness. Ákveðið að kanna hvort setja beri skránna á vef Seltjarnarnesbæjar.
c) Lögð fram tillaga að merkingu á listaverkinu Skuggar sem stendur við Lindarbraut. Ákveðið að biðja um betri útfærslu á tillögu B þar sem grjótið rísi hærra.
d) Sagt frá ferðamála- og handverkssýningu sem haldin var í Laugardalshöll 30.apríl – 1.maí. Ferðamálasamtök höfuðborgarsvæðisins voru með kynningarbás sem vann til verðlauna á sýningunni. Þar voru kynntar helstu náttúruperlur á og við höfuðborgarsvæðið sem og menningarstofnanir, söfn, gönguleiðir og ýmislegt er varðar útivist, menningu og ferðaþjónustu.
Fundi slitið kl. 18.45
Hildur Jónsdóttir, sign.