Mættir: Sigrún Edda Jónsdóttir, Ingveldur Viggósdóttir, Hildur Jónsdóttir, Jón Jónsson og Arnþór Helgason. Auk þeirra sat Pálína Magnúsdóttir, bæjarbókavörður, fundinn.
Dagskrá fundarins:
1. Náttúrugripasafn.
2. Styrkbeiðnir: Tónlistarskóli og Leiklistarfélag Seltjarnarness
3. Önnur mál.
Formaður setti fund kl. 17:12 og var strax gengið til dagskrár.
Byrjað var á lið 2 í dagskrá.
2. a) Arnþór lét í ljós þá skoðun sína að sér fyndist undarlegt að stofnun á vegum bæjarfélagsins sækti um styrki til nefndarinnar. Að öðru leyti var tekið vel í þessa umsókn og er til athugunar að styrkja, ef til vill, lítillega þetta verkefni á næsta ári.
b) Samþykkt að veita Leiklistarfélagi Seltjarnarness styrk að upphæð 50.000 krónur.
1. Rætt um kaup á eyruglu, snæuglu, sel (blöðrusel ) og að auglýsa eftir þessum hlutum og fleirum.
Einnig var rætt um dýra- og jurtaríki Seltjarnarness og að haft yrði samband við Pál Steingrímsson kvikmyndatökumann í því sambandi.
Samþykkt að verja kr. 200.000 í verkefnið, til að byrja með.
3. Fjallað var um bókakynningu, sem fara á fram á Bókasafni Seltjarnarness hinn 9. desember 1999.
Fleira var ekki gert.
Fundi slitið kl. 18:12
Sigrún Edda Jónsdóttir (sign)
Hildur Jónsdóttir (sign)
Ingveldur Viggósdóttir (sign)
Jón Jónsson (sign)
Arnþór Helgason (sign)
1 fylgiskjal fylgir fundargerðinni