1. fundur Skipulags- og umferðanefndar, þriðjudaginn 17. september, 2013, kl.16:15 að Austurströnd 2, Seltjarnarnesi.
Boðaðir:
Nefnd: Bjarni Torfi Álfþórsson, Anna Margrét Hauksdóttir, Friðrik Friðriksson mætti ekki, Halldór Þór Halldórsson, Stefán Bergmann. Áheyrnarfulltrúar: Ragnhildur Ingólfsdóttir, Egill Jóhannesson, Steinn Arnar Kjartansson
Þórður Ólafur Búason, skipulags- og byggingarfulltrúi
Fundarstjóri: Bjarni Torfi Álfþórsson Fundarritari: Þórður Ólafur Búason
Samgöngumál
- Mál.nr: 2013090070
Heiti máls: Stígar í Reykjavík að bæjarmörkum Seltjarnarness.
Lýsing: Tillaga umhverfis- og skipulagssviðs í Reykjavík um 3m breiðum stíg að Nesvegi með Sörlaskjóli nær sjónum.
Tillagan sýnir að óskað er eftir að Seltjarnarnes leggi til ca 30 fm á kafla í beygju við Nesvegi 101, þar sem kantsteinn akbrautar Sörlaskjóls liggur aðeins 2m frá Borgar-/bæjarmörkum.
Afgreiðsla: Kynnt.
Skipulagsmál - Mál.nr. 2013060013
Heiti máls: Nýtt svæðisskipulag höfuðborgarsvæðisins, lýsing
Málsaðili: Samtök sveitarfélaga á höfuðborgarsvæðinu
Lýsing: Til umsagnar er Verkefnislýsing fyrir nýtt Svæðisskipulag höfuðborgarsvæðisins
Afgreiðsla: Nefndin leggur til að bæjarstjórn afgreiði lýsingu verkefnis með ábendingu sbr. bókun á 189. fundi Skipulags- og mannvirkjanefndar sem hljóðar þannig: Nefndin telur nauðsynlegt að benda á að taka þarf tillit til hagsmuna Seltjarnarnesbæjar vegna afréttarsvæðis Seltjarnarneshrepps hins forna.Einnig þarf að taka tillit til mats á afleiðingum breytinga skipulags á höfuðborgarsvæðinu sem rýrt geta gæði samgönguleiða að og frá Seltjarnarnesi um höfuðborgarsvæðið í daglegri umferð. Sömuleiðis þarf að taka tillit til mats á áhrifum nefndra skipulagsbreytinga á rýmingarleiðir í neyðartilvikum og minnt er á bókanir fulltrúa Seltjarnarnesbæjar í Svæðisskipulagsnefnd Höfuðborgarsvæðisins þar um. Nefndin felur skipulagsstjóra að orða nánar ábendingar um fyrrgreind atriði í umsögn um verklýsinguna ásamt tilvísun í áður innsendar ábendingar og athugasemdir við skipulagsáform í Reykjavík og Kópavogi og umræður um þau á fyrri fundum nefndarinnar. . - Mál.nr: 2013090042
Heiti máls: Sandskeið, svifflugsaðstaða
Málsaðili: Svifflugfélag Íslands
Lýsing: Sandskeið. Ósk um afgreiðslu Seltjarnarness á áformum um stöðuleyfi færanlegra bygginga.
Afgreiðsla: Nefndin minnir á að svæðið er afréttur Seltjarnarneshrepps hinns forna og leggst því ekki gegn áformum um að stöðuleyfi verði veitt. - Mál.nr: 2013070019
Heiti máls: Aðalskipulagsbreyting í Reykjavík vegna niðurfellingar Mýrargötustokks og gatnamóta Geirsgötu og Kalkofnsvegar
Málsaðili: Reykjavíkurborg, Umhverfis- og skipulagssvið
Lýsing: Auglýsing Reykjavíkurborgar á breyttu aðalskipulagi vegna niðurfellingar Mýrargötustokks og gatnamóta Geirsgötu og Kalkofnsvegar
Afgreiðsla: Bókun frá 189. fundi Skipulags- og mannvirkjanefndar sem hljóðar þannig ítrekuð: Nefndin felur skipulagsstjóra að ítreka fyrri athugasemdir og rök. - Mál.nr: 2013060016
Heiti máls: Deiliskipulag Vestursvæðis, hjúkrunarheimili
Lýsing: Samþykkt bæjarstjórnar á Seltjarnarness á staðsetningu hjúkrunarheimilis á Vestursvæðinu.
Afgreiðsla: Nefndin bendir á að brýnt er að hagsmunir nærliggjandi íbúa/hagsmunaaðila séu hafðir að leiðarljósi við nánari athugun á staðsetningu hjúkrunarheimilis og að íbúa / hagsmunaaðilakynnig á þeim fari fram hið fyrsta.
Bókun Ragnhildar Ingólfsdóttur fulltrúa Neslistans vegna hlutverks Skipuags- og mannvirkjanefndar: Ég geri athugasemd við hve oft skipulag- og mannvirkja nefnd er sniðgengin áður en ákvarðanir í skipulagsmálum eru teknar í bæjarstjórn þrátt fyrir að hlutverk hennar sé samkvæmt erindisbréfi að móta stefnu og vera bæjarstjórn til ráðgjafar í byggingar-, skipulags-, umferðar- og hafnarmálum Sveitarfélagsins.
Dæmi um þetta er ákvörðun bæjarstjórnar um breytta staðsetningu hjúkrunarheimilis án aðkomu nefndarinnar. Sama máli gegnir um framkvæmdir við höfnina og á Valhúsahæð. Í allar þessar framkvæmdir var ráðist án þess að skipulags- og mannvirkjanefnd fengi tækifæri til þess að fjalla um þær áður og rækja þannig stefnumótunar- og ráðgjafarhlutverk sitt eins og það er skilgreint í erindisbréfi nefndarinnar. Nú liggur fyrir að ráðist verði í framkvæmdir við stækkun fimleikahússins. Þeirri framkvæmd fagna ég en kalla eftir kynningu og umfjöllun um það verkefni í nefndinni áður en í það verður ráðist. Einnig vil ég minna á að Neslistinn hefur barist í mörg ár fyrir þessum breytingum, sem hafa tekið allt of langan tíma. Sjá áður gerðar bókanir
Byggingamál
Umsóknir - Mál.nr: 2013080011
Heiti máls: Nesbali 8, umsókn um svalalokun
Málsaðili: Ágúst Fjeldsted
Lýsing: Sótt er um svalalokun á 2. hæð hússins að Nesbala 8
Afgreiðsla: Samþykkt með skilyrði um samþykki meðeigenda á lóð. Lokaúttekt.áskilin.
Fyrirspurnir
- Mál.nr. 2013090071
Heiti máls: Hrólfsskálamelur 10-18 breyting og hliðrun
Málsaðili: Tenór ehf.
Lýsing: Spurt er hvort leyft yrði að breyta húsinu að Hrólfsskálamel 10-18 samkvæmt meðfylgjandi uppdráttum vegna tilfærslu.
Afgreiðsla: Jákvætt, enda verði sótt um deiliskipulagsbreytingu og byggingarleyfi.
Önnur mál
- Mál.nr. 2013090028
Heiti máls: Sæbraut, aðgengi að fjörunni
Málsaðili: Þór Arnarson
Lýsing: Spurt um fyrirætlanir bæjarins um auðveldara aðgengi að fjöru við Sæbraut.
Afgreiðsla: Nefndin vísar erindinu til væntanlegrar deiliskipulagsvinnu.
Fundargerð upplesin og samþykkt. Fleira ekki tekið fyrir og fundi slitið kl.18.45.
Bjarni Torfi Álfþórsson (sign), Anna Margrét Hauksdóttir (sign), Halldór Þór Halldórsson (sign), Stefán Bergmann (sign),
Ragnhildur Ingólfsdóttir (sign)