34. fundur Skipulags- og umferðanefndar, miðvikuudaginn 25. nóvember, 2015, kl. 8:00 að Austurströnd 2 á Seltjarnarnesi.
Mættir: Bjarni Torfi Álfþórsson, Anna Margrét Hauksdóttir, Ásgeir Guðmundur Bjarnason, Ragnhildur Ingólfsdóttir, Stefán Bergmann,
Þórður Ólafur Búason, skipulags- og byggingarfulltrúi.
Fundarstjóri: Bjarni Torfi Álfþórsson, fundarritari: Þórður Ólafur Búason
Skipulagsmál samkvæmt Skipulagslögum nr. 123/2010
- Mál.nr. 2013060016
Heiti máls: Deiliskipulag Vestursvæðis á Seltjarnarnesi.
Lýsing: Tillaga að deiliskipulagi Vestursvæðis lögð fram og kynnt, Ragnhildur Skarphéðinsdóttir landslagsarkitekt og Ögmundur Skarphéðinsson arkitekt frá Hornsteinum mæta til fundar.
Afgreiðsla: Deiliskipulagstillag afgreidd frá Skipulags- og umferðarnefnd til bæjarstjórnar að fengnum smá breytingartillögum frá ráðgjafa. Skipulagsráðgjafi mun endurskoða í greinargerð skilgreiningu hverfisverndar og skoða möguleg ákvæði um sorpmóttöku neðanjarðar.
Ragnhildur Ingólfsdóttir og Stefán Bermann lögðu fram eftirfarandi bókun:
Beiting ákvæða um hverfisvernd:
Bendum á að fyrirhuguð skipti á hluta svæðis fyrir söfn og skyldar þjónustustofnanir undir hjúkrunarheimili og afmörkun byggingarreits fyrir áhaldahús á athafnasvæði garðyrkjudeildar bæjarins (sbr. deiliskipulag) hafa ekki verið metnar formlega út frá hverfisverndarákvæðum gildandi deiliskipulags Vestursvæðis.
Forgangur aðalskipulags:
Við teljum jafnframt að eðlilegra hefði verið að hluti safnasvæðis í Norðurtúni, sem í fyrirliggjandi deiliskipulagstillögu er ætlaður undir hjúkrunarheimili (með gríðarstórt fótspor) hefði verið skilgreindur í breyttu aðalskipulagi áður en ný deiliskipulagstillaga Vestursvæðis væri afgreidd frá nefndinni. Athuga þarf hvort hjúkrunarheimilið rúmist innan skilgreiningar um landnotkun skv. gildandi aðalskipulagi. Í tillögu að nýju aðalskipulagi er svæðið skilgreint á annan hátt (fyrir samfélagsþjónustu.
Bjarni Torfi Álfþórsson, Anna Margrét Hauksdóttir og Ásgeir Guðmundur Bjarnason lögðu fram eftirfarandi bókun:
Tillaga um staðsetningu hjúkrunarheimilis á opnu svæði milli Læknaminjasafns og Sefgarða var samþykkt einróma á fundi bæjarstjórnar þann 11.september 2013. Sú samþykkt endurspeglar þá víðtæku sátt sem verið hefur um fyrirhugaða uppbyggingu hjúkrunarheimilis á Seltjarnarnesi og vilja bæjarstjórnar til að leysa skipulagsþætti málsins á grundvelli núgildandi aðalskipulags. Safnasvæðið, sem svo er nefnt, er skilgreint í núgildandi aðalskipulagi Seltjarnarness sem „blönduð landnotkun þjónustustofnana og opins svæði til sérstakra nota“. Því fer fjarri að í þeirri skilgreiningu felist einhver takmörkun á notkun hluta svæðisins undir starfsemi hjúkrunarheimilis, enda verður að horfa á eðli starfseminnar, þ.m.t. umferð og áætlaðan gestafjölda svo og til þeirra mótvægisáhrifa sem fyrirhugaðar eru til að draga úr umhverhverfisáhrifum nýrrar starfsemi á svæðinu
- Mál.nr. 2013070016
Heiti máls: Miðbraut 34 erindi um þakhækkun UUA úrskurður
Lýsing: Miðbraut 34 erindi um þakhækkun UUA úrskurður, kæru hafnað.
Afgreiðsla: Kynnt
- Mál.nr. 2013120072
Heiti máls: Deiliskipulag Melshúsatún, Steinavör og Hrólfsskálavör
Lýsing: Melshúsatún, Steinavör og Hrólfsskálavör féll niður í bókun um birtingu þriggja deiliskipulagsáætlana í Stjórnartíðindum hinn 15. október, 2015 í fundargerð 32 fundar
Afgreiðsla: Leiðrétt eldri bókun.
- Mál.nr. 2015110038
Heiti máls: Þríhnúkagígur deiliskipulag í Kópavogi verkefnislýsing.
Lýsing: Lýsing verkefnis og umsögn OR..
Afgreiðsla: Kynnt
- Mál.nr. 2015110053
Heiti máls: Miðbraut 28 deiliskipulagstillaga um fjölgun íbúða á lóð í 4.
Málsaðili: Lantan ehf
Lýsing: Sótt um breytingu deiliskipulags fyrir Vesturhverfi vegna Miðbrautar 28.
Afgreiðsla: Nefndin samþykkir að fela skipulagsfulltrúa að senda deiliskipulagstillögu í grenndarkynningu.
Umferðamál
- Mál.nr. 2015110047
Heiti máls: Nesvegur ábending um gögnuljós og hraðahindranir
Málsaðili: Guðrún Jónsdóttir
Lýsing: Erindi frá íbúa.
Afgreiðsla: Vísað til endurskoðunar vegna umferðaröryggisáætlunar
- Mál.nr. 2015110060
Heiti máls: Skerjabraut 1 sorpgerði við horn
Málsaðili: Freyr Þórarinsson, Ásgeir Björnsson
Lýsing: Erindi frá íbúum vegna ný uppsetts sorpgerðis.
Afgreiðsla: Vísað til endurskoðunar vegna umferðaröryggisáætlunar
- Mál.nr. 2015110048
Heiti máls: Samræming upplýsingaskilta á Seltjarnarnesi.
Lýsing: Tillögur ráðgjafa um upplýsingaskilti.
Afgreiðsla: Kynnt
Önnur mál
- Mál.nr. 2015110050
Heiti máls: Húsnæðismálafundur ríkisstjórnarinnar
Málsaðili: Ríkisstjórn Íslands
Lýsing: Gögn frá fundi 3 ráðherra með almenningi um aðgerðir til að hraða gerð hagkvæmra íbúða.
Afgreiðsla: Kynnt
Fundargerð lesin og samþykkt. Fleira ekki tekið fyrir og fundi slitið kl.10:02.
Bjarni Torfi Álfþórsson sign, Anna Margrét Hauksdóttir sign, Ásgeir Guðmundur Bjarnason sign, Ragnhildur Ingólfsdóttir sign, Stefán Bergmann sign, Þórður Ólafur Búason sign.