125. fundur hjá Veitustofnun Seltjarnarness haldinn fimmtudaginn 9. nóvember 2017 kl. 16:15 að Austurströnd 2.
Mættir: Ásgerður Halldórsdóttir, Guðmundur Jón Helgason, Lýður Þór Þorgeirsson, Magnús Dalberg og Axel Kristinsson.
Einnig sat fundinn Gísli Hermannsson sviðstjóri.
Dagskrá:
- Fjárhagsáætlun frá-, vatns- og hitaveitu 2018.
Formaður lagði fram forsendur fjárhagsáætlunar fyrir árið 2018.
Fráveitugjald
Af öllum fasteignum í Seltjarnarneskaupstað, sem liggja við vegi eða opin svæði, þar sem holræsalagnir liggja, skal greiða árlegt fráveitugjald til bæjarsjóðs Seltjarnarnesbæjar. Fráveitugjaldið er hækkað úr 0,14% í 0,15% af fasteignamati allra húsa og lóða skv. lögum um skráningu og mat fasteigna nr. 6/2001 með síðari breytingum.
Vatnsgjald
Vatnsgjald af íbúðarhúsnæði er lækkað úr 0,10% í 0,09% af fasteignamati allra húsa og lóða skv. lögum um skráningu og mat fasteigna nr. 6/2001 með síðari breytingum.
Heitt vatn
Eftirfarandi gjaldskrárbreyting lögð fram og tekur gildi 1. desember 2017 þar sem gert er ráð fyrir að gjaldskrá hitaveitu hækki um 5%.
3.gr. gjaldskrárinnar, gjöld fyrir afnot af heita vatninu verða sem hér segir og tekur gildi 1. desember 2017.
Tegund Veitusvæði Kr. 2% skattur Grunnur
Einingaverð Sala í þéttbýli, húshitun 86,00 1,64 kr/m³
Einingarverð Sala í þéttbýli, til snjóbr. 86,00 1,64 kr/m³
Einingarverð Sala í þéttbýli, til iðnaðar 86,00 1,64 kr/m³
Tegund Stærð mælis Kr. 2% skattur Grunnur
Fast verð A:15mm og stærri 22,00 0,42 kr. á dag
Fast gjald er hluti af almennum taxta og í öllum oðrum samningum þar sem selt er samkvæmt mæli. Fast verð er fyrir föstum kostnaði og er óháð stærð mælis. Gjaldinu er drefit jafnt niður á tímabil reikninga.
5.gr.gjaldksrárinnar, gjöld fyrir heimæðar og rennslismæla verða sem hér segir og tekur gildi 1. desember 2017:
Fast gjald á heimæð fyrir hús allt að 300 m³ að stærð er kr. 214.987,00
Umfframgjald fyrir hús að stærð 300-1.000 m³ er kr. 259,00 pr. m³
Umframgjald fyrir hús að stærð yfir 1.000 m³ er kr.173,00 pr. m³
1 rennslismælir á grind kostar kr. 68.589,00
Hækkun gjaldskrár er til að mæta kostnaði við breytingu á háhitalögnum og stofnlögum bæjarins.
Fjárhagsáætlun fyrir árið 2018 fyrir frá-, vatns- og hitaveitu samþykkt með fjórum atkvæðum, einn á móti MD.
Gjaldskrárbreyting samþykkt með fjórum atkvæðum, einn á móti, MD. - Núverandi framkvæmdir.
Gísli fór yfir verkefni sumarsins m.a. endurhönnun á Melabrautinni, endurnýjun á lögnum í götunni, að inntaki húsa. Frágangur stendur nú yfir og hefur verkið tekist mjög vel. Einnig er verið að setja nýjar stofnlagnir við Hjúkrunarheimilið og inn á Bygggarðasvæðið. - Dælustöð við Elliða.
Stjórnarmenn fóru í sumar og skoðuðu nýja dælustöð við Elliða. Stjórnarmenn lýsa ánægju sinni með allan frágang og uppbyggingu á stöðinni. Gísli upplýsti að garðyrkjustjóri hefur nú lokið við frágang lóðarinnar. - Verkefni framundan.
Verið er að skoða pöntun á nýrri dælu í stjórnstöð við Lindarbraut. Skoða þarf dælur í holum hvort skipta eigi út til að samræma og einfalda viðhald. Fráveitan við Suðurströnd verður einnig skoðuð í vetur, með tilliti til endurbóta. Bakrennsli frá sundlaug verður tengt inn á kerfið fljótlega. Áfram verður unnið að lekaleit. - Önnur mál.
Hrefna Kristmannsdóttir mætir á næsta fund nefndarinnar til að fara yfir vinnsluyfirlit hitaveitu.
Fundi slitið kl. 17:35
Ásgerður Halldórsdóttir (sign.), Lýður Þór Þorgeirsson, (sign), Guðmundur Jón Helgason, Magnús Dalberg (sign.) Axel Kristinsson (sign) og Gísli Hermannsson (sign).