Vegna framkvæmda við lóðarvegg fyrir nýja leikskólann á horni Nesvegar og Suðurstrandar er óhjákvæmilegt annað en að taka niður biðskýli sem stendur við Nesveg andspænis Eiðistorgi. Skýlið fer niður þann 5. ágúst og verður sett upp aftur um leið og veggurinn hefur risið. Gert er ráð fyrir að framkvæmdin taki um það bil sex vikur og að strætisvagnar stoppi á sama stað og venjulega.
