Seltjarnarnesbær leitar eftir öflugum, þjónustulunduðum og drífandi einstaklingi í starf þjónustufulltrúa í þjónustuver bæjarskrifstofu Seltjarnarnesbæjar.
Um er að ræða 100% starf í framlínu sveitarfélagsins þar sem viðfangsefni og samskipti eru fjölbreytt. Æskilegt er að viðkomandi geti hafið störf í lok sumars. Laun eru samkvæmt kjarasamingi Sambands íslenskra sveitarfélaga og Sameyki.
Umsóknarfrestur er til 31. júlí nk. og skal umsókn og viðeigandi fylgigögnum um starfsferil og reynslu skilað inn í gegnum ráðningavef Seltjarnarnesbæjar
Helstu verkefni og ábyrgð þjónustufulltrúa:
- Móttaka viðskiptavina sveitarfélagsins
- Símsvörun, móttaka og skráning innsendra erinda og gagna
- Almenn upplýsingagjöf, þjónusta og samskipi við viðskiptavini og starfsmenn
- Aðstoð við rafrænar umsóknir
- Skjalavinnsla og skjalavarsla
- Almenn skrifstofustörf og innkaup
- Innsetning tilkynninga og efnis á heimasíðu og miðla bæjarins
- Undirbúningur funda og fundargagna m.a. í fundargátt GoPro
- Ýmis tilfallandi verkefni
Hæfniskröfur:
- Stúdentspróf eða önnur sambærileg menntun sem nýtist í starfi
- Hæfni í mannlegum samskiptum, jákvætt viðmót og þjónustulund
- Góð reynsla af framlínu- og/eða þjónustustörfum
- Góð tölvufærni og reynsla af almennum skrifstofustörfum
- Reynsla af innsetningu efnis á vefsíður og samskiptamiðla
- Reynsla af GoPro skjalakerfinu er kostur
- Þekking á opinberri stjórnsýslu er kostur
- Góð íslensku- og enskukunnátta
- Frumkvæði, metnaður, sjálfstæði og nákvæmni í vinnubrögðum
- Stundvísi, skipulagsfærni og sveigjanleiki í starfi
Vinnutími:
Um 100% starf er að ræða og er almennur vinnutími að teknu tilliti til styttingar vinnuvikunnar sem hér segir:
- Mánudaga - miðvikudaga: 8:00-16:10
- Fimmtudaga: 8:00 - 16:30
- Föstudaga: 8:00 - 13:00
Fríðindi í starfi:
- Samgöngustyrkur
- Líkamsræktarstyrkur
- Afsláttur af korti í World Class
- Sundkort á Seltjarnarnesi
- Bókasafnskort
Nánari upplýsingar um starf þjónustufulltrúa veitir:
María Björk Óskarsdóttir, sviðsstjóri Þjónustu- og samskiptasviðs: mariab@seltjarnarnes.is