Seltjarnarnesbær leitar eftir öflugum, þjónustulunduðum og drífandi einstaklingi í starf þjónustufulltrúa í þjónustuver bæjarskrifstofu Seltjarnarnesbæjar.
Um er að ræða 100% starf í framlínu sveitarfélagsins þar sem viðfangsefni og samskipti eru fjölbreytt. Æskilegt er að viðkomandi geti hafið störf sem fyrst. Laun eru samkvæmt kjarasamingi Sambands íslenskra sveitarfélaga og Sameyki.
Umsóknarfrestur er til 18. mars nk. og skal umsókn og viðeigandi fylgigögnum um starfsferil og reynslu skilað inn í gegnum ráðningavef Seltjarnarnesbæjar
Helstu verkefni og ábyrgð þjónustufulltrúa:
- Móttaka og samskipti við viðskiptavini og starfsfólk sveitarfélagsins
- Símsvörun, móttaka og skráning innsendra erinda og gagna
- Almenn upplýsingagjöf, þjónusta og samskipti við viðskiptavini og starfsmenn
- Undirbúningur funda, fundargagna og frágangur fundargerða m.a. í fundargátt GoPro
- Aðkoma að innsetningu efnis á heimasíðu og samskiptamiðla bæjarins
- Umsjón með rafrænum umsóknum
- Skjalavinnsla og skjalavarsla
- Almenn skrifstofustörf og innkaup
- Ýmis tilfallandi verkefni
Hæfniskröfur:
- Stúdentspróf eða önnur sambærileg menntun sem nýtist í starfi
- Hæfni í mannlegum samskiptum, jákvætt viðmót og þjónustulund
- Góð reynsla af framlínu- og/eða þjónustustörfum
- Góð tölvufærni og reynsla af almennum skrifstofustörfum
- Reynsla af innsetningu efnis á vefsíður og samskiptamiðla
- Reynsla af GoPro skjalakerfinu er kostur
- Þekking á opinberri stjórnsýslu er kostur
- Góð íslensku- og enskukunnátta
- Frumkvæði, metnaður, sjálfstæði og nákvæmni í vinnubrögðum
- Stundvísi, skipulagsfærni og sveigjanleiki í starfi
Vinnutími:
Um 100% starf er að ræða og er almennur vinnutími að teknu tilliti til styttingar vinnuvikunnar sem hér segir:
- Mánudaga - miðvikudaga: 8:00-16:10
- Fimmtudaga: 8:00 - 16:30
- Föstudaga: 8:00 - 13:00
Fríðindi í starfi:
- Samgöngustyrkur
- Líkamsræktarstyrkur
- Afsláttur af korti í World Class
- Sundkort á Seltjarnarnesi
- Bókasafnskort
Nánari upplýsingar um starf þjónustufulltrúa veitir:
María Björk Óskarsdóttir, sviðsstjóri Þjónustu- og samskiptasviðs: mariab@seltjarnarnes.is