Frá og með mánudeginum 23. október hefst tæming á úrgangi á Seltjarnarnesi samkvæmt fjórflokkakerfinu.
Bæjarbúar eru eindregið hvattir til að nýta næstu 2 vikurnar til að undirbúa sig og æfa í nýja fjórflokkakerfinu því tunnur verða ekki tæmdar sé úrgangur ekki flokkaður á réttan hátt. Í þeim tilvikum þar sem rangt er flokkað verður settur límmiði á viðkomandi tunnu með skýringu á ástæðu þess að tunnan var ekki tæmd. Allt annað en það sem fellur undir úrgangsflokkana fjóra skal fara með í Sorpu. Ítarlegar upplýsingar um flokkun og flokkunarkerfið er að finna á flokkum.is auk þess sem ýmsar upplýsingar er að finna hér á heimasíðu bæjarins.
ATHUGIÐ! Vanti ennþá tunnu eða viðeigandi merkingu á tunnu við einbýli eða fjölbýli vinsamlega látið strax vita á postur@seltjarnarnes.is eða í síma 5959100.
Sýnishorn af miða sem settur verður á þær tunnur sem ekki er hægt að tæma og útskýrir ástæðuna.
