Trúarbrögðin eftir Ásmund Sveinsson
Í framhaldi af ástandsskoðun sl. vor á vegum Listasafns Reykjavíkur á listaverkinu Trúarbrögðin sem stendur á Valhúsahæðinni var ljóst að það var orðið mjög illa farið og nauðsynlegt að það færi í viðgerð í vetur. Í dag er svo komið að því að fjarlægja listaverkið af stöplinum og keyra með það inn í Kópavog þar sem að það fer inn í hús hjá HD iðn- og tækniþjónustu sem mun í samráði við Járnsmiðju Óðins og annast viðgerð á verkinu. Stöpulinn sjálfan þarf svo einnig að laga áður en að verkinu verður aftur komið fyrir á sínum stað. Um mikla framkvæmd er að ræða en hífa þarf listaverkið af með stórum krana yfir á flutningabíl og keyra svo með það varfærnislega á áfangastað. Vonandi gengur allt vel en listaverkið er afar þungt og viðkvæmt.