Fréttir

Seltirningar geta borið útgjöld sín vegna fasteignagjalda saman við útgjöld íbúa nokkurra sveitarfélaga á höfuðborgarsvæðinu. 

Nokkrir kynlegir kvistir ráku nefin inn á bæjarskrifstofurnar í dag og sungu, starfsfólki til ómældrar ánægju og hlutu þeir ávexti að launum.

Ragnar Jónsson varabæjarfulltrúi hefur tekið við formennsku í félagsmálaráði af Berglindi Magnúsdóttur. Ragnar er 39 ára gamall, giftur og á tvö börn.  Hann hefur búið á Seltjarnarnesi frá árinu 2002, en bjó áður í Vesturbæ Reykjavíkur.

Stór hluti starfsfólks Seltjarnarnesbæjar kom saman í Félagsheimilinu á laugardag og vann að samstöðuverkefni sem kallast Samstaða 2009.

Dagur leikskólans var haldinn í fyrsta skipti 6. febrúar 2008, en þann dag árið 1950 stofnuðu frumkvöðlar leikskólakennara fyrstu samtök sín. Ákveðið var að halda upp á daginn ár hvert og auka þannig jákvæða umræðu um leikskólann og kynna starfið út á við.

Slökkvilið höfuðborgarsvæðisins (SHS) hefur gefið út samræmdar reglur fyrir grunnskóla og foreldra um viðbrögð við því þegar skólastarf á höfuðborgarsvæðinu raskast vegna veðurs og ófærðar.

Ragnheiður Steindórsdóttir, leikkona var útnefnd bæjarlistamaður Seltjarnarness fyrir árið 2009 við hátíðlega athöfn sem haldin var á bókasafni bæjarins. Í ræðu sinni sagði Sólveig Pálsdóttir formaður menningarnefndar Seltjarnarness að leikkonan hefði allt það til að bera sem prýtt gæti bæjarlistamann því ,,auk ótvíræðra hæfileika, listræns metnaðar og sannfæringar, þá einkennir einstök vandvirkni hvert hennar verk."

Anna Kristín Jensdóttir og Snorri Sigurðsson voru kjörin íþróttamenn Seltjarnarness. Kjörið fór fram þriðjudaginn 10. febrúar sl. í Félagsheimili Seltjarnarness að viðstöddum fjölda manna og var dagskráin með glæsilegra móti.

ABC barnahjálp stendur árlega fyrir söfnun þar sem skólabörn safna fyrir nauðstödd börn í öðrum löndum.  Skólinn tekur þátt í söfnuninni með aðstoð 5. bekkinga, því það er öllum hollt að vinna að mannúðarmálum t.d. með því að safna fyrir bágstödd börn.

Morgunblaðið sagði frá því á dögunum að margt gott kæmi frá Seltjarnarnesi og þar væru Fönksveinarnir engin undantekning. Fönksveinarnir eru hljómsveit sem hafa að skipa unga tónlistarmenn sem eru í Tónlistarskóla Seltjarnarness.

Álagningarprósenta útsvars á Seltjarnarnesi er sem kunnugt er sú lægsta á höfuðborgarsvæðinu eða 12,10% í kjölfar ákvörðunar bæjarins um að nýta ekki nýfengna heimild sveitarfélaga til hækkunar útsvarsprósentu í 13,28%.

Engar hækkanir eru áformaðar á þjónustugjöldum stofnana Seltjarnarnesbæjar í fjárhagsáætlun ársins 2009. Allar gjaldskrár lækka því verulega að raungildi á árinu þar sem þær hafa ekki fylgt verðbólgu sem verið hefur hátt í þriðja tug prósentna undanfarna mánuði.