Fréttasafn

Vegna framkvæmda við lóðarvegg fyrir nýja leikskólann á horni Nesvegar og Suðurstrandar er óhjákvæmilegt annað en að taka niður biðskýli sem stendur við Nesveg andspænis Eiðistorgi. Skýlið fer niður þann 5. ágúst og verður sett upp aftur um leið og veggurinn hefur risið. Gert er ráð fyrir að framkvæmdin taki um það bil sex vikur og að strætisvagnar stoppi á sama stað og venjulega.

Kjörfundur á Seltjarnarnesi er frá kl. 09:00 til kl. 22:00 í Valhúsaskóla við Skólabraut vegna þjóðaratkvæðagreiðslu um aðildarviðræður við ESB.

Frístundaheimilið Skjólið óskar eftir starfsfólki, 18 ára og eldri. Um er að ræða hlustastarf með börnum að skóla loknum, tvo til fimm eftirmiðdaga í viku (frá kl. 13:00-16:30). Umsóknarfrestur er til og með 31. júlí nk.

Vegna tenginga lagna við nýjan leikskóla verður Suðurströnd einstefna til vesturs frá Nesvegi dagana 20. - 24. júlí, mánudag til föstudags. Akrein Suðurstrandar til austurs verður lokuð þessa daga en stefnt er að hafa opið til vesturs allan framkvæmdatímann. Vegfarendum er bent á hjáleið upp hjá heilsugæslu og um Kirkjubraut. Áætlanir Strætó ættu ekki að raskast en búast má við einhverjum töfum af þessum orsökum. Hjáleiðir verða merktar en fólk er beðið að sýna þessu skilning.

Jóhann Páll Jóhannsson, umhverfis-, orku- og loftslagsráðherra undirritaði þann 1. júlí nýja friðlýsingaskilmála friðlandsins við Gróttu.