Fréttir

Fjárhagsáætlun fyrir árið 2005 var samþykkt við seinni umræðu á fundi bæjarstjórnar Seltjarnarness miðvikudaginn 24. nóvember s.l. Í henni kemur fram að fjárhagur bæjarins er í traustum skorðum og að rekstrarhlutfall aðalsjóðs verður með því lægsta sem þekkist á meðal sveitarfélaga.

Leikskólinn Mánabrekka á Seltjarnarnesi fékk 1. desember afhentan Grænfánann í tilefni af öflugu starfi í þágu umhverfisverndar og umhverfismenntar.

Bæjarstjórn samþykkti á síðasta fundi að ganga til samninga við Verkfræðistofu Sigurðar Thoroddsen hf. um hönnun og ráðgjöf vegna fyrirhugaðra framkvæmda við Sundlaug Seltjarnarness.

Í lok nóvember var öllu íbúum Seltjarnarness boðið til hátíðarhalda í tilefni þess að Tónlistarskóli Seltjarnarness á 30 ára afmæli á þessu ári. Fjölmennt var á hátíðinni sem tókst einstaklega vel.

Á þessu skólaári verður Tónlistarskóli Seltjarnarness 30 ára. Af því tilefni er bæjarbúum boðið að taka þátt í afmælishátið sem haldin verður í Mýrarhúsaskóla, laugardaginn 20. nóvember nk. kl. 14:00.

Helgina 6. og 7. nóvember s.l. fór fram haustmót Fimleikasambandsins en það er fyrsta mót vetrarins og fór það fram í Bjarkarhúsinu í Hafnarfirði. Um 200 keppendur tóku þátt í mótinu þar af 22 keppendur frá Fimleikadeild Gróttu.

Skólastjórnendur Grunnskóla Seltjarnarness harma að vegna manneklu verður röskun á skólastarfi í dag. 

Eins og sjá má hefur heimasíða bæjarins tekið umtalsverðum breytingum og verið er að vinna í sambærilegum breytingum fyrir helstu stofnanir bæjarins.

Slysavarnardeild kvenna á Seltjarnarnesi bauð á dögunum öllum leikskólabörnum bæjarins á leiksýninguna „Númi á ferð og flugi“. Leikritið er sett upp af Brúðuleikhúsi Helgu Steffensen og byggir á sögunni um Núma með höfuðin sjö eftir Sjón.

Grunnskólakennarar höfnuðu miðlunartillögu ríkissáttasemjara með atkvæðagreiðslu sem lauk í gær. Fundur launanefndar sveitafélaga og kennara hjá sáttasemjara í gærkvöldi lauk án niðurstöðu og fellur því kennsla niður í grunnskóla Seltjarnarness um óákveðin tíma.

Kennsla verður með eðlilegum hætti í Valhúsaskóla og Mýrarhúsaskóla á morgun en samið hefur verið við kennara um að þeir fái greidd laun fyrir nóvembermánuð fyrirfram.

Í tilefni af þrjátíu ára afmæli Tónlistarskóla Seltjarnarness verður haldið landsmót strengjaleikara hér í bæ helgina 22. – 24. október n.k.