Fréttir

Alls sótti á þriðja hundrað manns vel heppnað skólaþing í húsnæði Valhúsaskóla í gær. Á þinginu voru meðal annars lögð drög að framtíðarumgjörð um skólastarf í leik-, grunn- og tónlistarskóla bæjarins.

Samkvæmt drögum að nýju aðalskipulagi Seltjarnarness sem nú er til umfjöllunar og nefndum og stjórnsýslu bæjarins er stefnt að því að reist verði íbúðabyggð við Bygggarða á tímabilinu 2006-2024. Samtals er svæðið sem afmarkað er fyrir nýja íbúðabyggð um 3 hektarar að stærð en gert er ráð fyrir lágreistri, þéttri íbúabyggð.

Seltjarnarnesbær hefur samið við Og Vodafone um að bjóða upp á svo kallaðan „heitan reit“ eða þráðlausa háhraða internettengingu, á Bókasafni Seltjarnarness.

Á skipulagsdegi skólanna á Seltjarnarnesi þann 6. október var haldinn sameiginlegur fræðslufundur, fyrir starfsfólk í leikskólum, grunnskóla, skólaskjóli, tónlistarskóla og Selinu.

Nýlega var lokið uppsetningu og frágangi við nýjan drykkjarfont við Norðurströnd. Um er að ræða þriðja vatnsfontinn með þessu sniði sem reistur er í bænum.

Selið hóf vetrarstarf sitt 19. september eftir stórtæka andlitslyftingu og viðgerðir á húsnæði. Opnunarball var haldið 22. september þar sem hljómsveitirnar Nóbel og Child tróðu upp ásamt DJ-Daða og DJ-Sæma. Mikil og góð stemning var á ballinu enda húsið troðfullt af frábærum unglingum.

Skólaskrifstofur Seltjarnarness, Garðabæjar, Kópavogs og Mosfellsbæjar hafa á undanförnum árum staðið fyrir námskeiðum fyrir starfsfólk leikskólanna í sveitarfélögunum.

Sparkvöllurinn á horni Lindarbrautar og Hofgarða var tilbúinn til notkunar á dögunum og nýtur strax mikilla vinsælda. Þetta er annar sparkvöllurinn sem tekin er í notkun á Seltjarnarnesi. Hinn er við Valhúsaskóla og var opnaður fyrir fáum árum.

65% íbúa Seltjarnarnesbæjar sem eru 18 ára eða eldri hafa búið lengur en 11 ár í bæjarfélaginu. Nærri þriðjungur íbúa hefur búið í 11-20 ár í bænum en næst fjölmennasti hópurinn hefur verið búsettur á Nesinu í 21-30 ár.

Skólaþing verður haldið í Valhúsaskóla miðvikudaginn 12. október kl. 17:15-21:00. Með skólaþinginu vill Seltjarnarnesbær veita íbúum og starfsmönnum bæjarins kost á að taka virkan þátt í stefnumótun fyrir leik- grunn- og tónlistarskóla á Seltjarnarnesi undir yfirskriftinni íbúalýðræði og borgaravitund.

Skipulags- og mannvirkjanefnd hyggst setja á fót vinnuhóp til að skoða þær tillögur sem komið hafa fram um annars vegar baðhús og hins vegar veitingastað í grennd við Snoppu.

Settur hefur verið upp hlekkur á vefsvæði Seltjarnarness þar sem aðgengilegt verður áhugavert efni úr fjölmiðlum er tengist bæjarfélaginu. Seltjarnarnes i fjölmiðlum