Fréttir

Ársskýrsla Seltjarnarnesbæjar fyrir árið 2003 er komin út.

Tveir vaskir hjólabrettamenn, þeir Birkir Kristján Guðmundsson og Daníel Kristjánsson, gengu á fund bæjarstjórans á Seltjarnarnesi á dögunum og afhentu honum undirskriftalista til stuðnings hugmynd þeirra um hjólabrettasvæði á Seltjarnarnesi. Á listanum voru tæplega 130 nöfn áhugamanna um hjólabretti og línuskautaiðkun en drengirnir segja aðstæður til iðkunar íþróttarinnar takmarkaðar á Nesinu.

Íslandsmeistaramót í maraþoni var haldið á Mývatni helgina 18.-19. júní sl. Elísabet Jóna Sólbergsdóttir íþróttamaður Seltjarnarness fyrir árið 2003 varð Íslandsmeistari í heilmaraþoni kvenna á tímanum 3:20:59 og bætti tíma sinn frá því í fyrra um tæpar 7 mínútur.

Félagsmálaráð samþykkti á fundi sínum í maí tillögu formanns, Sigrúnar Eddu Jónsdóttur, um að niðurgreiðslur á dagvistargjöldum foreldra með börn í dagvistun hækki frá og með 1. ágúst 2004. Jafnframt er í tillögunni gert ráð fyrir að námsmenn njóti hér eftir aukinnar niðurgreiðslu umfram niðurgreiðslu til fólks í sambúð eða hjónabandi.

Þessa dagana eru framkvæmdir við nýtt bæjarhlið við Nesveg að hefjast. Í fyrrasumar var reist hlið við Eiðisgranda sem vakti mikla athygli og ánægju íbúa Seltjarnarness.

Vinnuskóli Seltjarnarness verður settur 9. júní nk. kl. 20:00 í Íþróttahúsi Seltjarnarnarness. Æskilegt er a foreldra/forráðamaður mæti með börnum sínum við setningu skólans.

Handverksýning eldri bæjarbúa á Seltjarnarnesi var haldin á degi aldraðra sem var á uppstigningardag. Þar var afrakstur vetrastarfs aldraðra sýndur og er óhætt að segja að þar hafi fjölbreytnin ráðið ríkjum.

Í vor hófust framkvæmdir við að lagfæra göngustíga við sjávarströndina sem skemmst höfðu í óveðri í vetur. Stígur út í Suðurnes var malborin og heflaður en hann fór óvenju illa í sjógangi á síðastliðnum vetri.

Kennarar í grunnskólunum lögðu áherslu á umferðarfræðslu þessa viku og unnu að margs konar verkefnum með nemendum.

Á fundi með foreldrum nemenda í Valhúsaskóla, þann 11. maí s.l., kynnti fyrirtækið Rannsókn og greining niðurstöður rannsóknar um vímuefnaneyslu ungs fólks á Seltjarnarnesi. Í ljós kom að ástand þeirra mála hefur verið mjög gott á Seltjarnarnesi að undanförnu. Rannsóknir hófust árið 1998 en þá var ástandið hér verra en annars staðar á landinu. Samkvæmt könnun sem lögð var fyrir nemendur í Valhúsaskóla árið 2003 hefur ástandið stórlagast og var í fyrra orðið það besta á landinu. 

Nýr bæjarlistamaður Seltjarnarness var útnefndur þann 10. janúar s.l. í hófi sem haldið var í nýju og glæsilegu húsnæði Bókasafns Seltjarnarness. Fyrir valinu varð Margrét Helga Jóhannsdóttir leikkona sem tekur við nafnbótinni af tónlistarmanninum Bubba Morthens.

Tónlistarmaðurinn Bubbi Morthens var útnefndur bæjarlistamaður Seltjarnarness 2002 og tók við viðurkenningunni úr hendi Sólveigar Pálsdóttur, formanns menningarnefndar Seltjarnarness.