Fréttir

Sameiginleg loftslagsstefna fyrir höfuðborgarsvæðið formlega undirrituð – stefnt skal að kolefnishlutleysi árið 2035.

Störf leikskólakennara, þroskaþjálfa og starfsmanns á leikskóla eru laus til umsóknar fyrir áhugasama að bætast í góðan hóp. Umsóknarfrestur er til 1. september nk.

Sérfræðingar verkfræðistofunnar Eflu hafa í sumar rannsakað skólabyggingar grunnskóla bæjarins vegna gruns um raka og myglu sem því miður reyndist á rökum reistur í einhverjum tilvikum og verður tafarlaust brugðist við þeirri niðurstöðu.

Samkvæmt Umhverfisstofnun gildir lokun í Gróttu til mánaðarmóta svo verja megi fuglavarpið en ungar eru flestir enn ófleygir. Hundabann gildir á sama tíma á öllum Vestursvæðunum og eru kattaeigendur jafnframt beðnir um að halda köttum sínum inni.

Laust til umsóknar starf þjónustufulltrúa Seltjarnarnesbæjar. Um 100% starf er að ræða og þarf viðkomandi að geta hafið störf í lok sumars. Umsóknarfrestur er til 31. júlí nk.

Í vikunni 24.-28. júlí verða truflanir á umferð í Bakkavör og einnig við gatnamót Suðurstrandar og Norðurstrandar vegna malbiksframkvæmda.

Sundlaug Seltjarnarness auglýsir eftir starfskrafti í 100% starf í vaktavinnu. Um framtíðarstarf er að ræða og er umsóknarfrestur til 8. ágúst nk.

Íbúar við Tjarnarstíg 3-14 vinsamlegast athugið! Þriðjudaginn 4. júlí verður lokað fyrir heita vatnið frá um 12 og fram eftir degi vegna viðgerða. Lokunin nær til eftirfarandi húsa: Tjarnarstígur 3-14 og gæti haft áhrif á nærliggjandi hús. Beðist er velvirðingar á þeim óþægindum sem þetta kann að valda. Hitaveita Seltjarnarness

Boðað hefur verið til 968. bæjarstjórnarfundar kl. 17:00 miðvikudaginn 28. júní í bæjarstjórnarsalnum að Austurströnd 2.

Sumardagskrá Félags- og tómstundastarfs eldri bæjarbúa á Seltjarnarnesi hefur verið gefin út og sumarstarfið komið á fullt. Eins og sjá má er margt áhugavert um að vera alla daga og því um að gera að taka þátt.

Hlutverk fjármálasviðs er að tryggja að vel sé staðið að rekstri sameiginlegs sjóðs bæjarbúa, veita stjórnendum og bæjarstjórn bestu mögulegu yfirsýn yfir fjármál og rekstur og hafa umsjón með þeim kostnaðarþáttum sem vega þyngst í starfsemi bæjarins. Umsóknarfrestur er til og með 28. júní 2023.

Það vantaði ekki þátttökuna, gleðina og gamanið á 17. júní hátíðinni. Frábær mæting var í skrúðgönguna þar sem mannfjöldinn marseraði undir fánahyllingu og lúðrablæstri. Bakkagarður iðaði af lífi og fjöri og allir sem fram komu vöktu mikla lukku sem og bátasiglingin.