Fréttir

Í ljósi þess að Seltjarnarnesbær hriðir hvorki jólatré né umbúðir af flugeldum/skotkökum biðjum við íbúa góðfúslega að farga sínu beint í Sorpu. Það skapast bæði hætta og ósómi af fjúkandi jólatrjám og flugeldarusli. Sameinumst um að halda bænum snyrtilegum.

Nú er félagsstarf eldri bæjarbúa að fara af stað aftur eftir jólafrí með glænýrri dagskrá fyrir tímabilið janúar til júní 2023.

ÍTS óskar eftir ábendingum frá íbúum á Seltjarnarnesi fyrir 10. janúar 2023 um íþróttamann sem sýnt hefur framúrskarandi árangur í íþróttagrein sem fellur undir starfsemi Íþrótta- og ólympíusambands Íslands.

Ákveðið hefur verið að Seltjarnarnesbær muni ekki hirða jólatré bæjarbúa eins og undanfarin ár. Íbúum er þess í stað bent á að fara með þau beint í Sorpu eða að hafa samband við Gróttu en íþróttafélagið býðst, í fjáröflunarskyni, til að sækja jólatré til þeirra sem þess óska.

Vegna viðgerða verður lokað fyrir kalda vatnið í stutta stund mánudaginn 2. janúar frá kl. 13. Lokunin nær til allra húsa í Bollagörðum. Beðist er velvirðingar á þeim óþægindum sem þetta kann að valda. Vatnsveita Seltjarnarness.

Seltjarnarnesbær óskar íbúum, starfsfólki og landsmönnum öllum farsældar og gæfu á nýju ári og þakkar ánægjulegt samstarf og samskipti á árinu sem var að líða.

Seltjarnarnesbær stendur fyrir brennu á gamlárskvöld með fyrirvara um að veður verði í lagi. Sjáumst tímanlega og kveðjum gamla árið vel útbúin og í hátíðarskapi á Valhúsahæð.

Sundlaug Seltjarnarness verður opin frá kl. 8:00-12:30 á gamlársdag en lokað verður á nýársdag. Hefðbundin opnunartími þann 2. janúar nk.

Íbúar eru hvattir til að moka frá sorptunnum sínum og tryggja gott aðgengi að þeim svo hægt verði að losa þær.

Gleðileg jól og farsælt komandi ár

Á heimasíðunni undir "sorphirða" má sjá hvenær losun sorps er áætluð á milli jóla og nýárs á Seltjarnarnesi

Nokkrir nemendur í 5. bekk í Mýrarhúsaskóla tóku sig til og sömdu og gáfu út fallegt jólalag sem verkefni í hringekju í skólanum.