Fréttir

Gerðar hafa verið breytingar varðandi pcr próf en jákvæð hraðgreiningarpróf á heilsugæslu munu nægja til staðfestingar á covid-19. Einangrun verður ekki lengur skylda en fólk með einkenni verður áfram hvatt til að dvelja í einangrun en einkennalausir / litlir fari eftir leiðbeiningum um smitgát.

Forsjáraðilar þurfa að meta sjálfir hvort fylgja þurfi börnum í skóla eða frístundastarfi. Við appelsínugula veðurviðvörun er meiri þörf á að fylgja börnum í skólann.https://www.vedur.is/vidvaranir/svaedi/rvk

Foreldrar gæti að börnin komist heil heim úr skóla og frístundastarfi. Íbúar gæti að öllum lausamunum og að hreinsa frá niðurföllum s.s. á plönum og í botnlöngum en gert er ráð fyrir mikilli úrkomu og hláku. Starfsmenn Þjónustumiðstöðvar eru á ferðinni að opna niðurföll og hálkuverja.

Lilja Dögg Alfreðsdóttir ráðherra ferðamála og Páll Björgvin Guðmundsson framkvæmdastjóri Samtaka sveitarfélaga á höfuðborgarsvæðinu (SSH) hafa undirritað samning um stofnun samstarfsvettvangs sveitarfélaga og atvinnulífsins á höfuðborgarsvæðinu um áfangastaðinn höfuðborgarsvæðið.

Terra hefur sent frá sér tilkynningu þess efnis að tafir hafa orðið á losun í vikunni vegna veðurs en losun byrjar á morgun. Íbúar eru beðnir að moka snjó frá tunnunum og tryggja gott aðgengi.

Seltjarnarnesbær tilheyrir nú HEF Heilbrigðiseftirliti Garðabæjar, Hafnarfjarðar, Kópavogs, Mosfellsbæjar og Seltjarnarness. Öll umsjón með hundahaldi flyst til Heilbrigðiseftirlitsins sömuleiðis.

Starf frístundaheimila, íþróttastarf, tónlistarskóla og félagsmiðstöðvar hefst á sínum hefðbundnu tímum á höfuðborgarsvæðinu þ.m.t. hér á Seltjarnarnesi.

Fólk er hvatt til að vera ekki á ferðinni og reglulegt skóla- og frístundastarf fellur niður utan lágmarksmönnunar vegna neyðarþjónustu, löggæslu o.þ.h. Sundlaug og íþróttamiðstöð verða lokaðar til hádegis.

Gert er ráð fyrir miklu aftakaveðri í nótt og á morgun. Veðurstofan hefur gefið út hæsta stig veðurviðvarana. Fólk er hvatt til að fylgjast með tilkynningum, gera ráðstafanir og festa lausa muni. https://www.vedur.is/vidvaranir

Í tilefni Vetrarhátíðar á höfuðborgarsvæðinu 3.-6. febrúar lýsum við upp Gróttuvita, Seltjarnarneskirkju o.fl. í norðurljósagrænum lit og hvetjum íbúa til að njóta útiveru, ljósa og útilistaverka.

Gefnar hafa verið út tillögur starfshóps að samræmingu úrgangsflokkunar á höfuðborgarsvæðinu sem kallað hefur verið eftir og yrði mikið framfaraskref fyrir íbúa.