Fréttir

Það var sannkölluð sumarstemning á Eiðistorgi á laugardaginn var þegar í annað skiptið í vor var haldinn þar Flóamarkaður. Fjöldi sölubása var um allt torgið með fjölbreyttum varningi og þar mátti einnig hitta fyrir  Kvenfélagið Seltjörn með kökubasar.

Heita vatnið er rúmlega 70% dýrara í Reykjavík en á Seltjarnarnesi eftir síðustu hækkun Orkuveitu Reykjavíkur frá því í gær um 8%.

Fólk á öllum aldri frá kornabörnum til einstaklinga um nírætt streymdi út í Gróttu í morgun á árlegum fjölskyldudegi í eynni.
Sökum flóðatöflunnar og hve snemma varð að opna í dag voru menn uggandi um að færri kæmu en svo varð ekki.

Í dag, 27. apríl, fékk 1. bekkur Grunnskóla Seltjarnarness afhenda hjólreiðahjálma Á athafnasvæði Eimskips við Sundahöfn mætti 1. bekkur til að taka á móti hjólreiðahjálmum.

Undanfarið hefur talsvert verið kvartað vegna lausagöngu hunda á Seltjarnarnesi og vill Hundaeftirlit Seltjarnarness því minna á að hundar skulu án undantekninga vera í taumi á Seltjarnarnesi

Í samvinnu við Lækningaminjasafn og fleiri söfn opnaði um miðjan apríl í Þjóðminjasafni farandsýningin Ekki snerta jörðina! Leikir 10 ára barna. Að baki sýningunni liggur rannsókn sem söfnin stóðu að og miðaði að því að svara spurningunni "Hvernig leika börn sér í dag?"

Fjölmennur fundur Innanríkisráðuneytisins um almenningssamgöngur var haldinn miðvikudaginn 13. apríl. sl.

Laugardaginn 9. apríl s.l. var haldinn flóamarkaður á Eíðistorgi. Þótti framtakið einstaklega vel heppnað og kunnu Seltirningar vel að meta þessa nýbreytni.

Á annað hundrað bæjarfulltrúar, nefndarfólk og lykilembættismenn frá öllum sveitarfélögum á höfuðborgarsvæðinu funduðu í Menntaskólanum í Kópavogi um helgina til að móta sameiginlega framtíðarsýn fyrir Samtök sveitarfélaga á höfuðborgarsvæðinu (SSH).

Dagforeldrar af Seltjarnarnesi sátu í vikunni fræðslunámskeiðið „Heilsuvernd, þroski og heilsufar ungra barna“, ásamt dagforeldrum úr Mosfellsbæ, Garðabæ og af Akranesi.

Seltjarnarneskaupstað og Grunnskóla Seltjarnarness var á dögunum úthlutað rúmlega einnar milljónar króna styrk til verkefna í þágu langveikra barna og barna með ADHD-greiningu.

Með bréf dags. 8. mars sl. óskaði Ólafur Melsted eftir afstöðu bæjarstjórnar til niðurstöðu matsgerðar sem dómkvöddum matsmönnum var falið að semja og laut að því hvort bæjarstjóri, Ásgerður Halldórsdóttir, hefði lagt Ólaf í einelti í skilningi laga. Í bréfinu setti Ólafur fram þrenns konar kröfur. Í fyrsta lagi krafðist hann greiðslu skaða- og miskabóta o.fl., í annan stað að bæjarstjórn veitti bæjarstjóra, Ásgerði Halldórsdóttur, formlega áminningu fyrir hennar þátt í málinu og í þriðja lagi að bæjarstjórn viki Ásgerði Halldórsdóttur úr starfi sem bæjarstjóra.