Fréttir

Laugardaginn 12. mars fór fram fyrri hluti Uppskeruhátíðar tónlistarskólanna, er nefnist Nótan.

Tónlistarskóli Seltjarnarness sendi  tvo unga nemendur, þau Brynhildi Magnúsdóttur þverflautunemanda og Magnús Orra Dagsson gítarnemanda sem stóðu sig með sóma.

Á öskudag fengu bæjarskrifstofur góðar heimsóknir hinna ýmsu furðuvera s.s. sjónræninga, geimfara og fiðrilda. Einnig mætti pylsa á staðinn ásamt prinsessum og herramönnum.

Ari Bragi Kárason trompetleikari var í gærkvöld valinn bjartasta vonin þegar Íslensku tónlistarverðlaunin voru afhent í 17. sinn. Ari Bragi er mörgum Seltirningum að góðu kunnur þar sem hann stundaði nám við Tónlistarskóla Seltjarnarness frá unga aldri.

Góð stemning var meðal á annað hundrað manns sem lögðu leið sína í Valhúsaskóla miðvikudaginn 2. mars og tóku þátt í Skólaþingi Seltjarnarnesbæjar.

Breytingar verða gerðar á akstri Strætó þann 27. febrúar. Strætó mun frá þeim tíma ljúka akstri klukkutíma fyrr öll kvöld og hefja akstur tveimur klukkustundum síðar á laugardögum.

Knattspyrnumaðurinn Skúli Jón Friðgeirsson og handboltakonan Íris Björk Símonardóttir voru útnefnd íþróttamenn Seltjarnarness fyrir árið 2010.

Verið er að koma fyrir upplýsingastandi á göngustígnum við Norðurströnd þar sem hægt er að fræðast um náttúrufar, umhverfi, listaverk, gönguleiðir og fleira á Seltjarnarnesi.

Silkitoppur ásamt svartþresti gerir sig heimakominn hjá Vilhjálmi Lúðvíkssyni en þessar myndir voru teknar af þessum fallegu fuglum í garði hans við Valhúsabraut. 

Haldnir voru fundir með íbúum á Skólabraut 3-5 og Eiðismýri 30 þriðjudaginn 15. febrúar sl. þar sem bæjarstjóri, fjármálastjóri og félagsmálastjóri bæjarins fóru yfir næstu skref við byggingu hjúkrunarheimilis á Seltjarnarnesi.

Vel tókst til á Safnanótt hér á Seltjarnarnesi. Þetta er annað skiptið sem söfnin í Nesi, Nesstofa og Lyfjafræðisafnið taka þátt en í fyrsta skipti sem bókasafnið er með.

Í  dag fimmtudaginn 10. febrúar opnar Rúna Gísladóttir sýningu á handgerðum postulínsbrúðum í Bókasafni Seltjarnarness. Á sýningunni eru brúður af ýmsum stærðum og gerðum. Rúna hefur unnið postulínsbrúðurnar frá grunni bæði steypt þær í mótum, pússað, málað og gengið frá þeim.

Mikil gróska er í leikhúslífi á Seltjarnarnesi síðan leikhúsið Norðurpóll var stofnað í janúar 2010 af Arnari Ingvarssyni, Grímu Kristjánsdóttur, Guðjóni Þorsteini Pálmarssyni og Írisi Stefaníu Skúladóttur. Norðurpóllinn er staðsettur að Sefgörðum 3, en þar var áður til húsa plastverksmiðjan Borgarplast.