Fréttir

Slysavarnadeild kvenna á Seltjarnarnesi hefur skipt um nafn og heitir deildin núna Slysavarnadeildin Varðan. Á síðasta ári kom fram sú tillaga að breyta nafninu í samræmi við merki deildarinnar en Varðan hefur alltaf verið í merki deildarinnar.

Í Bókasafni Seltjarnarness var sett upp sýning á vegum Landverndar um verkefnið Vistvernd í verki - vistvænn lífsstíll. Sýningin stóð frá miðjum janúar og fram í miðjan mars. Í tengslum við sýninguna var gestum boðið að taka þátt í getraun sem snerist um ýmsa þætti er varða umhverfið og náttúruna.

Sif Pálsdóttir náði frábærum árangri á Norðurlandamóti í áhaldafimleikum sem haldið var um síðustu helgi í Versölum, fimleikahúsi Gerplu, en hún er fyrst íslenskra kvenna til þess að hampa Norðurlandameistaratitili í fjölþraut kvenna í fimleikum.

Nemendur í 6. bekk í Smáraskóla, ásamt 3 kennurum sínum, hjóluðu í síðustu viku úr Kópavogi út á Seltjarnarnes og gistu í Fræðasetrinu í Gróttu. Þessi ferð er liður í útivist og umhverfisvitund nemenda Smáraskóla og er orðin fastur liður í ferðadagskrá 6. bekkinga.

Bæjarstjórinn á Seltjarnarnesi bauð á dögunum sigurvegurum stærðfræðikeppni grunnskólanema í heimsókn ásamt skólastjóra og stærðfræðikennara krakkanna.

Bæjar- og borgarstjórar sveitarfélaganna sjö á höfuðborgarsvæðinu hafa falið Slökkviliði höfuðborgarsvæðisins að leiða samstarf er auðveldi íbúum svæðisins að nálgast upplýsingar og fræðast um fuglaflensu og rétt viðbrögð í tengslum við hana.

Tónlistarskóli Seltjarnarness í samvinnu við elstu meðlimi lúðrasveitarinnar hafa á undanförnum vikum verið við æfingar á söngleik undir stjórn leikaranna Atla Þórs Albertssonar og Bryndísar Ásmundsdóttur.

Kjör Íþróttamanns Seltjarnarness fór fram fimmtudaginn 2.mars s. l. og var fjölmenni saman komið að því tilefni í félagsheimili Seltjarnarness. Kjör Íþróttamanns Seltjarnarness hefur verið árviss viðburður síðan 1993 og er umsjón Æskulýðs- og íþróttaráðs (ÆSÍS), sem vill með þessu vekja athygli á gildi íþrótta, stuðla enn frekar að öflugu íþróttalífi á Seltjarnarnesi.

Laugardaginn 18. mars varð Sif Pálsdóttir (Gróttu) Íslandsmeistari í fjölþraut í áhaldafimleikum kvenna. Hún sigraði með glæsibrag og hampar nú þessum titli í fimmta sinn.

Í vikunni fengu 1. – 3. bekkingar heimsókn frá Möguleikhúsinu. Sýndar voru tvær sýningar á leikritinu Hattur og Fattur og Sigga sjoppuræningi eftir Ólaf Hauk Símonarson.

Seltjarnarnesbær ásamt Garðabæ, Mosfellsbæ og Reykjanesbæ stóðu fyrir ráðstefnunni: „Hve glöð er vor æska?“ á Grand Hótel í Reykjavík föstudaginn 3. mars s.l. Umfjöllunarefni ráðstefnunnar var staða barna í íslensku samfélagi.

Vegna mistaka við vinnslu febrúarblaðs Nesfrétta birtist röng auglýsing um álagningu fasteignagjalda í blaðinu. Auglýsingin sem birtist var um álagningu ársins 2005 í stað ársins 2006. Rétt auglýsing mun birtast í næsta blaði og vill útgáfufélagið, Borgarblöð, biðjast velvirðingar á þeim óþægindum sem þetta kann að skapa.