Fréttasafn

Bæjarbúum býðst að henda umbúðum af notuðum flugeldum í sérstakan gám sem komið hefur verið upp á Eiðistorgi en alls óheimilt er að henda slíku rusli í hefðbundnar pappatunnur eða gáma. Sorpa tekur einnig á móti notuðum flugeldaumbúðum. Hjálpumst að við að snyrta bæinn okkar hið fyrsta svo ruslið verði ekki fjúkandi um fram á vor. Gleðilegt nýtt ár 2024 🙂

Seltjarnarnesbær óskar íbúum, starfsfólki og landsmönnum öllum farsældar og gæfu á nýju ári og þakkar ánægjulegt samstarf og samskipti á árinu sem var að líða.

Seltjarnarnesbær stendur fyrir brennu á gamlárskvöld og býður upp á tónlist því trúbadorinn Bjössi greifi mun syngja og stýra fjöldasöng fyrir brennugesti. Sjáumst tímanlega og kveðjum gamla árið vel útbúin og í hátíðarskapi á Valhúsahæð. Birt með fyrirvara um veður í lagi.

Bæjarstjórn og starfsmenn Seltjarnarnesbæjar senda bæjarbúum jólakveðjur með þökkum fyrir ánægjuleg samskipti á árinu sem er að líða.

Boðað hefur verið til 977. bæjarstjórnarfundar kl. 11:00 fimmtudaginn 28. desember 2023 í bæjarstjórnarsalnum að Austurströnd 2.

Til reynslu hefur verið sett upp grenndarstöð á Eiðistorgi þar sem skila má til endurvinnslu hreinum pappír og pappa, gleri, málmi og textíl (efni). Tilvera grenndarstöðvarinnar á þessum stað fer eftir umgengni. Vinsamlega virðið því flokkunina og blandið ekki saman efnivið, plast má t.a.m. alls ekki fara í pappagáminn. Ekki má skilja neitt eftir í grennd við flokkunarílátin.

Í hálkunni er gott að muna eftir gulu saltkistunum með skóflum ofan í sem eru víðsvegar á Seltjarnarnesi. Íbúum er frjálst að sækja sér salt til að dreifa í sínu nærumhverfi eða þar sem að viðkomandi þarf á að halda. Við Þjónustumiðstöðina er einnig hægt að ná sér í sand.

Pappírsgámur er kominn til reynslu á Eiðistorg fyrir íbúa að losa umfram magn af pappír/pappa sem safnast upp við heimilin. Það er afar mikilvægt að öll umgengni um og við gáminn verði til fyrirmyndar svo að hægt verði að þjónusta íbúa með þessum hætti. Í hann má eingöngu losa pappír/pappa og óheimilt er að skilja eftir annað rusl við gáminn. Gangi allt vel er enn fremur stefnt að því að setja þarna upp netta grenndarstöð fyrir gler og plast þar til að framtíðarlausn finnst varðandi staðsetningu grenndarstöðvar með djúpgámum.

Boðað hefur verið til 976. bæjarstjórnarfundar kl. 17:00 miðvikudaginn 13. desember 2023 í bæjarstjórnarsalnum að Austurströnd 2.

Í morgunsárið, miðvikudaginn 6. desember var síðasta eining Stjörnubrekku hífð á sinn stað. Stjörnubrekka er fyrir elstu börnin í Leikskóla Seltjarnarness og er staðsett við hliðina á Mýrarhúsaskóla. Framkvæmdin gekk að óskum og er nú unnið að því að fullbúa rýmið svo taka megi á móti bæði börnum og starfsfólki leikskólans inn á þá deild eins fljótt og auðið er.

Íbúar á Barðaströnd og Látraströnd athugið! Fimmtudaginn 7. desember verður lokað fyrir heita vatnið frá k. 10 og fram eftir degi. Lokunin nær til eftirfarandi húsa: Barðaströnd 2,4,1-25 og Látraströnd 1,3,5,2-26. Beðist er velvirðingar á þeim óþægindum sem þetta kann að valda. Hitaveita Seltjarnarness - S: 5959 100

Íbúar á Barðaströnd og Látraströnd athugið! Miðvikudaginn 6. desember verður lokað fyrir heita vatnið frá k. 10 og fram eftir degi. Lokunin nær til eftirfarandi húsa: Barðaströnd 2,4,1-25 og Látraströnd 1,3,5,2-26. Beðist er velvirðingar á þeim óþægindum sem þetta kann að valda. Hitaveita Seltjarnarness - S: 5959 100