Fréttir

Bæjarstjórn Seltjarnarness hefur að frumkvæði meirihlutans samþykkt umtalsverða breytingu á gjaldskrá leikskóla Seltjarnarness. Í breytingunum felst 10% lækkun á grunngjaldi, 50% hækkun systkinaafslátta auk um 30-60% hækkunar á framlögum til einkarekinna leikskóla. Breytingarnar taka gildi frá og með 1. apríl næst komandi.

Á fundi foreldrafélags Valhúsaskóla þriðjudaginn 27. febrúar voru niðurstöður könnunar Rannsóknar og Greiningar á líðan ungs fólks á Seltjarnarnesi kynntar. Álfgeir Logi Kristjánsson hjá Rannsókn og Geiningu og lektor við Háskólann í Reykjavík kynnti niðurstöður.

Foreldraráð og foreldrafélag Grunnskóla Seltjarnarness vilja vekja athygli á nýrri heimasíðu svæðaráðsins á Seltjarnarnesi, www.nesforeldrar.is

Seltjarnarnesbær, Mosfellsbær og Reykjavík hafa í samstarfi við bókasöfn viðkomandi sveitarfélaga styrkt bókagjöf til allra barna sem koma í þriggja og hálfs árs skoðun á heilsugæslustöðvarnar.

Samkvæmt fjárhagsáætlun verður fyrsti áfangi af fjórum í gagngerum endurbótum á gangstéttum og götum bæjarins meðal helstu verkefna sumarsins.

Í kjölfar samþykktar deiliskipulags skóla- og íþróttasvæða í byrjun árs hefur verið hafist handa við hönnunarvinnu vegna fyrirhugaðra breytinga á skólalóðum Grunnskólans.Grunnskólans

Hafinn er undirbúningur við lokaáfanga endurnýjunar Mýrarhúsaskóla en verkefnið hefur staðið yfir um nokkurra ára skeið. Í sumar verður neðsta hæðin endurnýjuð og er það viðamesti hluti endurnýjunarinnar.

Undirbúningur er hafinn að byggingu áhorfendastúku og aðstöðu fyrir knattspyrnumenn við gervigrasvöllinn. Ákvörðun var tekin um framkvæmdina á vordögum 2005. Verkefnið er stærsta framkvæmdaverkefni bæjarins á þessu ári og nemur áætlaður kostnaður við það um 150 milljónum króna samkvæmt fjárhagsáætlun bæjarins.

Stjórn Strætó bs. samþykkti nýlega breytingu á kostnaðarskiptingu aðildarsveitarfélaga byggðasamlagsins á rekstri félagsins. Bæjarstjórn Seltjarnarness er ósátt við breytinguna og telur að tillagan stangist á við ákvæði eigendasamkomulags samlagsins frá 7. maí 2001.

Umfjöllun um spilakassa og spilasali í íbúahverfum hefur verið áberandi undanfarið. Ljóst er að spilafíkn verður sífellt algengari meðal yngra fólks og kvenna. Samkvæmt heimildum eru alls um 970 spilakassar starfræktir um allt land og hreinar vel á annan milljarð á ári.

Starfshópur á vegum skólanefndar hefur undanfarið skoðað möguleika á breytingum á mötuneyti í Valhúsaskóla til að unnt verði að bjóða upp á heitar máltíðir þar líkt og í Mýrarhúsaskóla.

Bæjarstjórn Seltjarnarness hefur samþykkt að hækka afslátt af fasteignagjöldum elli- og örorkulífeyrisþega um ríflega 20% frá og með 1. janúar 2007.