Fréttir

Í vikunni fengu 1. – 3. bekkingar heimsókn frá Möguleikhúsinu. Sýndar voru tvær sýningar á leikritinu Hattur og Fattur og Sigga sjoppuræningi eftir Ólaf Hauk Símonarson.

Seltjarnarnesbær ásamt Garðabæ, Mosfellsbæ og Reykjanesbæ stóðu fyrir ráðstefnunni: „Hve glöð er vor æska?“ á Grand Hótel í Reykjavík föstudaginn 3. mars s.l. Umfjöllunarefni ráðstefnunnar var staða barna í íslensku samfélagi.

Vegna mistaka við vinnslu febrúarblaðs Nesfrétta birtist röng auglýsing um álagningu fasteignagjalda í blaðinu. Auglýsingin sem birtist var um álagningu ársins 2005 í stað ársins 2006. Rétt auglýsing mun birtast í næsta blaði og vill útgáfufélagið, Borgarblöð, biðjast velvirðingar á þeim óþægindum sem þetta kann að skapa.

Seltjarnarnesbær hefur ákveðið að auka niðurgreiðslur vegna barna einstæðra foreldra, barna námsmanna og systkina í einkareknum leikskólum og gildir breytingin frá áramótum.

Fjárhags- og launanefnd Seltjarnarnesbæjar samþykkti nýlega að hækka niðurgreiðslur til dagforeldra um 40 – 80%. Um miðjan janúar lagði félagsmálaráð bæjarins til að gerður yrði þjónustusamningur við dagforeldra sem miðaði að því að tryggja að foreldrar greiddu sambærilegt gjald og greitt er fyrir börn í leikskólum bæjarins.

Í samræmi við 3.mgr. 18.gr. skipulags- og byggingalaga nr. 73/1997, með síðari breytingum, er hér með auglýst afgreiðsla bæjarstjórnar Seltjarnarness á Aðalskipulagi Seltjarnarness 2006-2024.

Seltjarnarnesbær hefur endurnýjað samning við öryggisgæslufyrirtækið Securitas um framhald hverfagæsluverkefnis sem hófst í október á síðasta ári. Verkefnið hefur mælst mjög vel fyrir í bæjarfélaginu og er ljóst að ávinningur íbúa af því er umtalsverður.

Fjárhags- og launanefnd Seltjarnarnesbæjar samþykkti á fundi sínum þann 17. febrúar s.l. að nýta að fullu heimild Launanefndar sveitarfélaga til greiðslu tímabundinna launaviðbóta við gildandi kjarasamning Félags leikskólakennara, Starfsmannafélag Seltjarnarness og Eflingar.

Opnað hefur verið fyrir svokallað RSS. efnisveitu á heimasíðu Seltjarnarnesbæjar. Þar er um að ræða efnisveitu er gerir fólki kleift að fá sjálfvirkt yfirlit yfir nýtt efni á vef Seltjarnarnesbæjar. Hægt er að fá RSS straum af fréttasíðu bæjarins, fundargerðum, samþykktum, skýrslum og útgáfu, fréttum af skipulagsmálum, fréttum af bókasafni, fréttum af grunnskóla og fréttum af leikskólum. Hnappa sem vísa á efnisveituna er að finna efst og neðst á síðunni. Merktar RSS-veitur.

Alls sóttu rúmlega 200 manns kynningarfundi um opið ljósleiðaranet sem haldnir voru á föstudaginn. Um var að ræða annars vegar morgunverðarfund Viðskiptaráðs Íslands og hins vegar kynningu í ráðstefnusal Orkuveitu Reykjavíkur.

Síðustu daga hafa nemendur í 1. bekkjum boðið foreldrum í heimsókn í skólann til að fylgjast með kynningu á verkefni um álfa, sem þeir hafa unnið að undanfarinn mánuð.

Skólanefnd Seltjarnarness hefur veitt Gróttu styrk til að starfrækja íþróttaskóla fyrir 5 ára börn í leikskólum Seltjarnarness. Íþróttaskólinn er skipulagður þannig að börnunum er skipt í þrjá hópa og fær hver hópur kynningu á þeim íþróttagreinum sem hægt er að stunda hjá félaginu.