Fréttir

Nýlega kom út metnaðarfullt tímarit Leikskóla Seltjarnarness í rafrænni útgáfu. 

Urtagarðurinn í Nesi er nú að hefja sitt sjöunda starfsár. Í garðinum eru til sýnis jurtir sem talið er að hafi verið ræktaðar í Nesi til nytja eða lækninga á árunum 1760 – 1834 eða nýttar af alþýðu manna til lækninga á sama tíma. 

Elsa Nielsen grafískur hönnuður og myndlistarmaður var í dag útnefnd Bæjarlistamaður Seltjarnarness. Hún er tuttugasti Seltirningurinn til að hljóta nafnbótina.

Á Seltjarnarnesi eru 96% íbúa ánægðir með þjónustu við barnafjölskyldur í bæjarfélaginu, samkvæmt árlegri þjónustukönnun sem Gallup gerir meðal sveitarfélaga. Bærinn fær hæstu einkunnina meðal sveitarfélaganna, sem gefin er, þ.e. 4,2 af 5 mögulegum.

Fasteignaviðskipti hafa stóraukist á liðnu ári en í fyrra voru þau um sextán prósentum fleiri en verið hefur að jafnaði síðustu þrettán ár. 

Gleðileg jól og farsælt nýtt ár kæru Nesbúar. Sjáumst í hátíðarskapi á áramótabrennunni á Valhúsahæð. Brennan hefst kl. 20:30. Söngur og harmonikkuleikur færa okkur inn í nýja árið.    Áramótabrenna á Valhúsahæð 2015

„Áhugavert rými milli reita, opnun Eiðistorgs í átt að Nesvegi og framlenging á vistlegum göturýmum upp með Nesvegi að Kirkjubraut sem myndar tengingu við samfélagsþjónustu", eru meðal helstu styrkleika tillögu Kanon arkitekta, sem báru sigur úr býtum í samkeppni um nýjan miðbæ á Seltjarnarnesi

Eining og samstaða ríkir um fjárhagsáætlun Seltjarnarnesbæjar sem samþykkt var samhljóða á fundi bæjarstjórnar í gær, þriðjudaginn 15. desember og þykir niðurstaðan bera vitni um árangursríkt samstarf sem tekist hefur á með bæjarfulltrúum Seltjarnarnesbæjar á kjörtímabilinu

Samsetning matseðla og framleiðsla matar er til fyrirmyndar og í samræmi við útgefin viðmið Embættis landlæknis segir í nýlegri úttekt sem matvæla- og næringarfræðingur vann fyrir Grunnskóla Seltjarnarnesbæjar.

Hún var ánægjuleg heimsóknin sem bæjarbúar fengu frá lögreglustjóra, Sigríði Björk Guðjónsdóttur og hennar fólki á dögunum. Þar kynnti Sigríður þróun brota á Seltjarnarnesi og svaraði fyrirspurnum gesta úr sal. 

Starfsmenn þjónustumiðstöðvar Seltjarnarness vilja þakka bæjarbúum fyrir að hafa verið duglegir að munda skóflurnar og hjálpað þannig til við að gera allar umferðaræðar og innkeyrslur sem greiðfærastar. 

Vefur Seltjarnarnesbæjar skorar hæst sveitarfélagsvefja í nýrri úttekt innanríkisráðuneytisins og Sambandis íslenskra sveitarfélaga þar sem rýnt var í stöðu á innihaldi, nytsemi, aðgengi og rafrænni þjónustu á vefnum.