Fréttasafn

Bæjarbúum býðst að henda umbúðum af notuðum flugeldum í sérstakan gám sem komið hefur verið upp á Eiðistorgi en alls óheimilt er að henda slíku rusli í hefðbundnar pappatunnur eða gáma. Sorpa tekur einnig á móti notuðum flugeldaumbúðum. Hjálpumst að við að snyrta bæinn okkar hið fyrsta svo ruslið verði ekki fjúkandi um fram á vor. Gleðilegt nýtt ár 2026 🙂

Seltjarnarnesbær stendur fyrir brennu á gamlárskvöld og býður upp á tónlist en trúbadorinn Pálmi Hjalta mun syngja og stýra fjöldasöng fyrir brennugesti. Sjáumst tímanlega og kveðjum gamla árið vel útbúin og í hátíðarskapi á Valhúsahæð. Birt með fyrirvara um að veðrið verði í lagi fyrir brennu.

Bæjarstjórn og starfsmenn Seltjarnarnesbæjar senda bæjarbúum jólakveðjur með þökkum fyrir ánægjuleg samskipti á árinu sem er að líða.

Settir verða upp gámar fyrir íbúa að losa umfram magn af pappír. Annars vegar verður gámur við grenndarstöðina á Eiðistorgi og hins vegar á bílaplani við smábátahöfnina. Minnum einnig á Sorpu við Ánanaust.

Bæjarstjórn Seltjarnarnesbæjar samþykkti fjárhagsáætlun fyrir árið 2026 við síðari umræðu miðvikudaginn 10. desember 2025. Þriggja ára áætlun Seltjarnarnesbæjar 2027-2029 var einnig samþykkt á sama fundi.

Litlu jól heldri borgara verða haldin á Skólabraut 3 - 5, fimmtudaginn 18. desember kl. 14:30. Heitt súkkulaði, kaffi, smákökur og jólaglögg auk tónlistaratriðis meðal annars. Allir velkomnir.

Nú eru að hefjast framkvæmdir við gatnamót Norðurstrandar og Barðastrandar í þágu umferðaröryggis.

Tímabundin skerðing á aðgengi að bílastæðum við Sundlaug Seltjarnarness á en unnið er að uppsetningu rafhleðslustöðva á vegum ON. Gert er ráð fyrir því að verkinu ljúki á u.þ.b. 2 vikum.

Boðað hefur verið til 1018. bæjarstjórnarfundar kl. 17:00 miðvikudaginn 10. desember 2025 í bæjarstjórnarsalnum að Austurströnd 2.

Íbúar á Unnarbraut athugið, vegna bilunar þarf að loka tímabundi fyrir heita vatnið í dag, 1.desember. Vatninu verður hleypt aftur á um leið og viðgerð er yfirstaðin. Biðjumst velvirðingar á þeim óþægindum sem þetta kanna að valda. Hitaveita Seltjarnarness.