Fréttasafn

Óhapp varð við gatnamótin á Suðurströnd og Nesvegi þegar að flutningabíll rakst utan í ein gönguljósin og mun Vegagerðin annast viðgerðir á staurnum.. Umferðarljósin virka öll þrátt fyrir óhappið og það heyrist hljóðmerki í gangbrautarljósinu þó að rauði og græni "kallinn" sjáist ekki. Hvetjum íbúa og þá ekki síst unga vegfarendur til að fara varlega.

Í síðustu viku var byrjað að malbika yfir skemmdirnar í strandstígnum eftir óveðrið í mars og sér því loks bráðum fyrir endann á viðgerðunum sem hafa staðið yfir síðan óveðrið skall á með hárri sjávarstöðu og mikilli ölduhæð.

Boðað hefur verið til 1007. bæjarstjórnarfundar kl. 17:00 miðvikudaginn 28. maí 2025 í bæjarstjórnarsalnum að Austurströnd 2.

Gámar fyrir garðúrgang verða aðgengilegir til 28. maí. Staðsetning þeirra er við smábátahöfnina á Suðurströnd og við Norðurströnd til móts við Lindarbraut.

Þann 1. júní nk. breytist opnunartími bókasafnsins þegar árleg sumarlokun á laugardögum hefst auk þess sem að safnið mun framvegis loka kl. 18.00 mánudaga til fimmtudaga.

Árleg vorlokun sundlaugarinnar verður dagana 19.-23. maí en þá fara fram árleg þrif og viðhaldsaðgerðir. Sundlaugin opnar aftur kl. 8.00 laugardaginn 24. maí nk.

Þriðjudaginn 20. maí verður ferið í viðgerð á stofnlögn kalda vatns Seltjarnarnesbæjar frá klukkan 16:00 og fram eftir degi. Það gætu orðið raskanir á vatnsflutningi á meðan á viðgerð stendur. Mælum með því að setja vatn á flöskur.

Allar upplýsingar um fjölbreytt sumarnámskeið og skráningin sjálf fer fram í gegnum Abler.

Elín Margrét Rafnsdóttir hefur verið ráðin aðstoðarleikskólastjóri í Leikskóla Seltjarnarness. Hún er mörgum kunnug enda starfað á leikskólanum frá 2012 og með góða innsýn í uppbyggingu leikskólans, starfshætti og skipulag.

Boðað hefur verið til 1006. bæjarstjórnarfundar kl. 17:00 miðvikudaginn 14. maí 2025 í bæjarstjórnarsalnum að Austurströnd 2.

Íbúar vinsamlegast athugið! Miðvikudaginn 7. maí verður lokað fyrir heita vatnið á hluta Suðurstrandar, Selbrautar, Sólbrautar, Skerjabrautar, Tjarnastígs, Tjarnabóls, Lambastaðavegs og Nesvegs frá klukkan 15 og fram eftir degi vegna viðgerða. Beðist er velvirðingar á þeim óþægindum sem þetta kann að valda Hitaveita Seltjarnarness S: 5959100

Íbúar í Mýrinni vinsamlegast athugið! Mánudaginn 5 maí verður lokað fyrir vatnið frá klukkan 10 og fram eftir degi vegna viðgerða. Beðist er velvirðingar á þeim óþægindum sem þetta kann að valda. Hitaveita Seltjarnarness s: 5959100