Fréttir

Íbúar á Hæðarbraut og Melabraut athugið! Vegna bilunar í dag mánudaginn 13. janúar þurfti að loka fyrir heita vatnið, unnið er að viðgerð og verður heita vatninu hleypt á eins fljótt og auðið er. Beðist er velvirðingar á þeim óþægindum sem þetta kann að valda. Hitaveita Seltjarnarness.

Nú er félagsstarf eldri bæjarbúa fyrir vorönn 2025 komið á fullt bæði með föstum liðum, námskeiðum og skemmtilegum viðburðum. Heildardagskráin er víða aðgengileg m.a. á Skólabrautinni og hér á heimasíðunni. Endilega að taka þátt í þessu fjölbreytta félagsstarfi.

Blandað og lífrænt áætlað föstudag 10. janúar. Plast og pappír næsta mánudag 13. janúar.

ÍTS óskar eftir ábendingum frá íbúum á Seltjarnarnesi fyrir 13. janúar 2025 um íþróttamann sem sýnt hefur framúrskarandi árangur í íþróttagrein sem fellur undir starfsemi Íþrótta- og ólympíusambands Íslands.

Búið er að leggja gönguskíðaspor á golfvellinum og því tilvalið að nýta sér brautina á meðan að úti er snjór og fallegt veður.

Bæjarbúum býðst að henda umbúðum af notuðum flugeldum í sérstakan gám sem komið hefur verið upp á Eiðistorgi en alls óheimilt er að henda slíku rusli í hefðbundnar pappatunnur eða gáma. Sorpa tekur einnig á móti notuðum flugeldaumbúðum. Hjálpumst að við að snyrta bæinn okkar hið fyrsta svo ruslið verði ekki fjúkandi um fram á vor. Gleðilegt nýtt ár 2025 🙂

Seltjarnarnesbær óskar íbúum, starfsfólki og landsmönnum öllum farsældar og gæfu á nýju ári og þakkar ánægjulegt samstarf og samskipti á árinu sem var að líða.

Seltjarnarnesbær stendur fyrir brennu á gamlárskvöld og býður upp á tónlist því trúbadorinn Arnar Friðriks mun syngja og stýra fjöldasöng fyrir brennugesti. Sjáumst tímanlega og kveðjum gamla árið vel útbúin og í hátíðarskapi á Valhúsahæð. Birt með fyrirvara um veður í lagi.

Bæjarstjórn og starfsmenn Seltjarnarnesbæjar senda bæjarbúum jólakveðjur með þökkum fyrir ánægjuleg samskipti á árinu sem er að líða.

Settir hafa verið upp gámar á Orkuplaninu við Austurströnd fyrir íbúa að losa umfram magn af pappa og plasti sem safnast upp við heimilin yfir hátíðirnar. Enn fremur er kominn gámur fyrir pappa við grenndarstöðina á Hagkaupsplaninu og svo er auðvitað minnt á Sorpu við Ánanaust.

Guðmundur Ari bæjarfulltrúi sat sinn síðasta fund fyrir Seltjarnarnesbæ þann 19. desember sl. þegar að bæjarráð kom saman. Honum var þakkað fyrir vel unnin störf í þágu bæjarfélagsins undanfarin 10 ár og óskað alls hins besta og velfarnaðar á nýjum vettvangi, Alþingi Íslendinga.

Þór Sigurgeirsson bæjarstjóri og Einar Þorsteinsson borgarstjóri undirrituðu nýverið samkomulag um samgöngur í vesturhluta höfuðborgarsvæðisins.