Fréttir

Vegna útfarar Antons Sigurðssonar pípulagningameistara Seltjarnarnesbæjar verður lokað í Þjónustumiðstöðinni frá kl. 10-14 í dag mánudaginn 13. febrúar.

Í tilefni dagsins var starfsfólki bæjarins boðið í heimsókn til að upplifa hefðbundið starf leikskólans. Bæjarstjóri fékk alveg sérstakt og einstaklega fallegt boðskort og lét hann boðið auðvitað ekki framhjá sér fara heldur heimsótti allar deildir eins og fleiri starfsmenn bæjarins.

Forsjáraðilar þurfa að meta sjálfir hvort fylgja þurfi börnum í skóla eða frístundastarf. Við appelsínugula veðurviðvörun er meiri þörf á að fylgja börnum í skólann. Ef hálka eða ofankoma fylgir veðrinu aukast líkur á að þörf sé fyrir fylgd. https://www.vedur.is/vidvaranir

Íbúar á Selbraut og Sæbraut vinsamlegast athugið! Í dag, mánudaginn 6. febrúar, verður lokað fyrir kalda vatnið vegna viðgerða frá kl. 13.00 og fram eftir degi. Lokunin nær til eftirfarandi húsa: Selbraut 70-84 og Sæbraut 20-21. Beðist er velvirðingar á þeim óþægindum sem þetta kann að valda. Vatnsveita Seltjarnarness. S: 5959 100

Fjörug dagskrá á Safnanótt bókasafnsins 3. feb. og mikil stemning á Sundlauganótt 4. feb. í sundlauginni. Ókeypis aðgangur og allir velkomnir! Vetrarhátíð verður á Seltjarnarnesi 2.-5. febrúar þegar að helstu mannvirki verða lýst upp með norður-ljósagrænum ljósum og fjöldi viðburða í boði fyrir alla fjölskylduna. Ekki láta þig vanta!

Kjör íþróttamanns Seltjarnarness 2022 í karla- og kvennaflokki fór fram fimmtudaginn 26. janúar í 29. skipti við hátíðlega athöfn í íþróttahúsinu.

Dagana 23.-27. janúar stendur yfir innritun í Grunnskóla Seltjarnarness fyrir börn fædd árið 2017 eiga að hefja skólagöngu sína í haust.

Boðið verður upp á opinn upplýsingafund fyrir húsfélög vegna innleiðingar á nýju flokkunarkerfi sorps á Seltjarnarnesi.

Varhugavert ástand getur skapast vegna samhliða asahláku á morgun en spár gera ráð fyrir allt að 10 stiga hita, miklu hvassviðri og úrhellisrigningu eftir langan frostakafla.

Kuldinn, lognið, birtan og náttúran buðu upp á stórfenglegt sjónarspil á Seltjarnarnesi eins og sjá má á meðfylgjandi myndum sem teknar voru á einstaklega fallegum vetrardegi þann 18. jan.

Álagningarseðlar fasteignagjalda fyrir árið 2023 hafa verið gefnir út og eru aðgengilegir á rafrænu formi fyrir íbúa á mínar síður.

Leikskóli Seltjarnarness óskar eftir að ráða í fullt starf leikskólaliða, leikskólakennara og starfsmanni á leikskóla. Umsóknarfrestur er til 23. janúar nk.