Fréttir

Boðað hefur verið til 987. bæjarstjórnarfundar kl. 17:00 miðvikudaginn 22. maí 2024 í bæjarstjórnarsalnum að Austurströnd 2.

Seltjarnarnesbær býður íbúum upp á moltu dagana 15. – 29. maí og verður moltan aðgengileg í gámi við smábátahöfnina til móts við Bakkavör.

Árleg lokun laugarinnar er lengri þetta árið vegna óhjákvæmilegra viðhaldsaðgerða í kjallara sundlaugarinnar til viðbótar við hefðbundna hreinsun og viðhald. Sundlaug Seltjarnarness opnar aftur kl. 08.00 laugardaginn 25. maí nk.

Kjörskrá Seltjarnarnesbæjar liggur frammi almenningi til sýnis frá 6. maí á bæjarskrifstofum Seltjarnarness, Austurströnd 2, á opnunartíma skrifstofunnar. Kjörfundur á Seltjarnarnesi þann 1. júní er frá kl. 9.00 til 22.00 í Valhúsaskóla.

Boðað hefur verið til 986. bæjarstjórnarfundar kl. 17:00 miðvikudaginn 8. maí 2024 í bæjarstjórnarsalnum að Austurströnd 2.

Ferðabann um friðlandið við Gróttu hefur tekið gildi og stendur frá 1. maí - 31. júlí. Hundabann gildir á sama tíma á Vestursvæðunum og eru kattaeigendur hvattir til að hafa kettina í bandi eða halda þeim innandyra.

Hirðutíðni fyrir pappír/pappa og plastumbúðir verður nú á 21 dags fresti en ekki á 28 daga fresti eins og áður var. Hirðutíðni fyrir matarleifar og blandaðan úrgang verður áfram á 14 daga fresti.

Bæjarbúum býðst að losa sig við afklippur af trjám í sérstaka gáma sem settir verða upp á þremur stöðum í bænum dagana 6.-13. maí nk. Staðsetning gámanna eru á bílastæði við Eiðistorg, við smábátahöfnina á Suðurströnd og á Norðurströndinni til móts við Lindarbraut.

Framkvæmdir við endurbætur á skólahúsnæði grunnskólans eru í fullum gangi í Mýrarhúsaskóla og Valhúsaskóla eins og flestir vita. Í morgun var enn einn áfanginn í uppbyggingunni tekinn þegar að steypuvinna við nýja botnplötu í Mýrarhúsaskóla hófst. Verkefnið er umfangsmikið og gerðar miklar öryggisráðstafanir vegna nauðsynlegrar umferðar stórvirkra vinnuvéla á skólalóðinni vegna framkvæmdanna.

Kaupandinn er félagið Safnatröð slhf. sem er í eigu innviðasjóðsins Innviðir fjárfestingar II slhf. og er í eigu lífeyrissjóða. Innviðasjóðurinn er í umsjón Summu rekstrarfélags hf.

Leitað er að metnaðarfullum leiðtoga með víðtæka þekkingu og skýra framtíðarsýn á starfsemi grunnskóla til að leiða nemendur, starfsfólk og foreldra í öflugu skólastarfi. Umsóknarfrestur er til og með 6. maí nk.

Seltjarnarnesbær hvetur íbúa og alla sem vettlingi geta valdið að taka þátt í deginum og plokka hvort sem er í sínu nærumhverfi eða á vel völdum svæðum hér á Seltjarnarnesinu.