Fréttir

Vakin er athygli á því að lokun út í Gróttu stendur til 31. júlí nk. vegna fuglavarpsins en er það m.a. gert að höfðu samráði Umhverfisstofnunar við fuglafræðing um stöðu varpsins. Óheimilt er að fara út í Gróttu á meðan að lokun friðlandsins stendur yfir.

Hópurinn sem kom víða að úr heiminum skoðaði ásamt kennara sínum borholuna SN-12, dælustöðina á Lindabraut og skellti sér í fótabað í Bollasteini í einstöku veðri.

Til upplýsinga frá Reykjavíkurborg vegna framkvæmda við Geirsgötu á næstunni verður tveimur akreinum í austurátt lokað fyrir umferð og beint um Hringbraut í staðinn. Opið verður til vesturs (út á Nes). Sjá nánar í fréttatilkynningu frá Reykjavíkurborg.

Íbúar á Víkurströnd og Kirkjubraut athugið! Miðvikudaginn 10 júlí verður lokað fyrir kalt vatn frá kl. 09:30 og fram eftir degi. Beðist er velvirðingar á þeim óþægindum sem þetta kann að valda.

Um kl. 15.00 í dag fer í gang nauðsynleg uppfærsla á símkerfi Seltjarnarnesbæjar. Uppfærslan í heild sinni tekur um 2-3 klukkustundir en það verður alveg úti í um 30 mínútur af þeim tíma. Hægt er senda tölvupóst á postur@seltjarnarnes.is eða beint á viðkomandi starfsfólk eða stofnanir.

Eiðistorgið skartar sínu fegursta í sumar með blómstrandi Eldblómum, fallegum gróðri og heildar ásýndin í takt við upprunalega hönnun torgsins.

Frá og með 1. júlí 2024 verður opnunartími bæjarskrifstofu og þjónustuvers frá kl. 9-15 mánudaga til fimmtudag og frá kl. 9-13 á föstudögum. Hægt er að finna allar helstu upplýsingar á heimasíðu bæjarins auk þess sem ávallt má senda tölvupóst á postur@seltjarnarnes.is.

Samvera barna og foreldra í sumar er besta forvörnin. Forvarnir og fræðsla fyrir foreldra vegna ævintýra sumarsins.

Íslenska lýðveldið var stofnað á Þingvöllum þann 17. júní 1944 og fagnar því 80 ára afmæli á árinu. Fjölbreytt hátíðardagskrá um allt land á afmælisárinu sem nær hámarki á þjóðhátíðardaginn sjálfan.

Boðað hefur verið til 989. bæjarstjórnarfundar kl. 17:00 miðvikudaginn 19. júní 2024 í bæjarstjórnarsalnum að Austurströnd 2.

Seltjarnarnesbær leitar tilboða í framleiðslu og framreiðslu á mat fyrir leik- og grunnskóla á Seltjarnarnesi 2024-2028. Um almennt opið útboð er að ræða sem stendur til kl. 14.00 þann 23. júlí nk.

Vegna bilunar hjá Hitaveitu Seltjarnarness í nótt opna sundlaugin kl. 9.00. Búið er að gera við bilunina en heita vatnið er að ná fullum krafti inn á kerfið aftur.