Fréttir

Umsóknarfrestur um leikskóladvöl barna skólaárið 2024-2025 er til 1. mars nk. í gegnum mínar síður á heimasíðunni.

Umsóknarfrestur um leikskóladvöl barna skólaárið 2024-2025 er til 1. mars nk. í gegnum mínar síður.

Í tilefni dagsins var m.a. bæjarstjóra og starfsfólki bæjarskrifstofu boðið í heimsókn á Stjörnubrekku, Sólbrekku og Mánabrekku. Það var ótrúlega gaman að hitta krakkana og upplifa allt það stórkostlega starf sem unnið er í leikskólunum okkar. Allir voru uppteknir í alls konar auk þess sem þennan dag var starfræktur Bangsaspítali. Þar var brjálað að gera og fengu hvers kyns bangsar og tuskudýr sem betur fer bót meina sinna hjá bangsalæknunum en plástrar, umbúðir og almenn umhyggja var það sem þurfti til.

Það var svo sannarlega líf og fjör og mikið fjölmenni á skemmtilegri Safnanótt á Bókasafni Seltjarnarness nýverið. Stórir sem smáir undu sér hið besta enda dagskráin fjölbreytt, margt að skoða og gera. Allir sem vildu fengu pylsur, frostpinna og að sjálfsögðu skrautlegar blöðrur. Bingóið vakti lukku að vanda og fóru margir heim með góða vinninga. Takk fyrir komuna!

það var gleði og góð stemning í síðustu viku þegar að börn og ungmenni veltust um Sundlaug Seltjarnarness í vatnaboltum og skemmtu sér hið besta. Kveikt var á kyndlum allt í kringum sundlaugina og naut fólks þess að slaka á við mystíkina í gufunni.

Minnum á stórskemmtilega Safnanótt í dag þar sem nóg verður um að vera fyrir alla fjölskylduna - viðburðir, veitingar og endum kvöldið á bingói með fjölda vinninga m.a. frá Ráðagerði, Örnu ís, Nesklúbbnum, Rauða Ljóninu, Björnsbakarí o.fl. Allir velkomnir!

Boðað hefur verið til 979. bæjarstjórnarfundar kl. 17:00 miðvikudaginn 7. febrúar 2024 í bæjarstjórnarsalnum að Austurströnd 2.

Vetrarhátíð hófst í dag - norðurljósagrænn litur lýsir upp Gróttuvita og kirkjuþakið, stemning á Sundlauganótt í kvöld og á morgun verður fjörug dagskrá á Safnanótt bókasafnsins. Ókeypis aðgangur og allir velkomnir!

Allir velkomnir að njóta fjölbreyttra viðburða til viðbótar við bækur, tímarit og almenn notalegheit á safninu okkar.

Boðað hefur verið til 978. bæjarstjórnarfundar kl. 17:00 miðvikudaginn 24. janúar 2024 í bæjarstjórnarsalnum að Austurströnd 2.

Dagana 22.-26. janúar stendur yfir innritun í Grunnskóla Seltjarnarness fyrir börn fædd árið 2018 eiga að hefja skólagöngu sína í haust.

Helga Hvanndal Björnsdóttir hefur verið ráðin sem verkefnastjóri umhverfismála hjá Seltjarnarnesbæ. Starfið felur m.a. í sér umsjón með fegrun og ásýnd sveitarfélagsins, hvers kyns náttúru- og umhverfismálum, yfirumsjón með vinnuskólanum, endurvinnslu- og úrgangsmálum sem og ýmsum stefnumarkandi verkefnum og fræðslu.